مطر على الكويت لليوم الثالث بدون توقف
ولله الحمد بدون توقف وبكميات كبيرة جدا ماشاء الله الأمطار في الكويت لليوم الثالث على التوالي ، ولا تلوموني اذا اكتب عن المطر بسبب الجو المعروف عن الكويت في فصل الصيف والغبار والبيئة العجيبة الي عايشين فيها والحمد لله على كل حال
كوني كويتي واعيش في بيئة صحراوية قاحلة ولا يوجد فيها اي مسطحات خضراء او انهار او حتى جبال !! بل الكويت عبارة عن بقعة صحراوية من شمالها الى جنوبها ومن غربها الى شرقها او بالخليجي اقدر اقول انها عبارة عن ( براحة ) تلعب فيها الرياح ويتزايد الغبار بطريقة مخيفة في فصل الصيف .
اليوم الثالث ماشاء الله والمطر ينزل بغزارة يجعل الوضع غريب علينا فعلا كوننا لم نتأقلم مع هذي الأجواء الأوربية 
والحق يقال ان المطر طلع بلاوي في دولنا الخليجية كما حصل مع اخواننا في المملكة العربية السعودية وتحديدا مدينة جدة ، وبالمناسبة هذي اوجه تعازي الخالصة للشعب السعودي على مصابهم الجلل والي حصل في جدة قدر الله وخطأ بشري فضيع
وكما قلت ان الأجواء الأوربية غريبة علينا في الخليج ، تحصل حوادث بكثرة في الشوارع ، وهذي صورة قمت بتصويرها اليوم صباحا وانا في طريقي لشراء اغراض للبيت ، كان الله في عون مالك السيارة والله يحفظ كل من يقرأ هذا الموضوع
وهذا مقطع فيديو والي من خلاله تم تصوير السيارة اللومينا
2009/11/29 الساعة 1:15 ص
!!!!
مع اني ما شفت الحادث لكن وصلني كلام عن راعي السياره بحكم انه ساكن قريب من فريجنا ويقال انه مكسر بالمستشفى وحالته ما تسر وفي ناس قالوا لي انه توفى من مبطي ! الله اعلم منو الصاج !
لكن غريب بالعاده هالشارع كل زحمه 24 ساعه ! هذا متى طار ! ، وما اعتقد انه كان طاير يبي يلحق على ماكدونالدز وخانته الاشاره ! شي غريب !
الله يستر علينا بس ومشكور عالفيديو !
هورنت ردّ على نوفمبر 29th, 2009 9:39 ص:
ان كانه مصاب الله يشافيه ويكون بعونه
وان كانه توفى الله يرحمه
السيارة باين انها جاية من الفرعي في طريق الغوص بإتجاه الشمال ، واخذ اللفة يمين وزلقت فيه السيارة