الرئيسية » منوعات » تلفزيونات اول وتلفزيونات الحين

تلفزيونات اول وتلفزيونات الحين

تذكروان تلفزيونات قبل ؟ والله كانت قمة في التخلف بس كانت ايامها شيء له طعم ولذة عجيبة

تلفزيون

الله يذكر هذيك الايام بالخير , لما تصير الساعة 9 بالليل يحطون الاخبار وبعدها شوي يحطون اغاني ولا مسلسل وعقب تسكر القناة الى ان تفتح ثاني يوم الساعة 7 الصبح 🙂

يعني لا سهر ولا عوار راس , نام بكير تصحى بكير, وحياه سهلة جدا وبدون تعقيد, والادهى من هذا لما انتشر الاريل ” لاقط الاشارة” الي يتم التحكم فيه من البيت , وبالتحديد يكون عبارة عن جهاز مزعج عند تشغيله ويقوم على تغير اتجاه الاريل من الشمال الى الجنوب وهكذا , ويعينك الله اذا بتغير بأتجاه 180 درجة لووول يبيله اكثر من 5 دقايق على حسب مثلا تبي تغير من تلفزيون العراق الى تلفزيون السعودية

سبب تذكري لهذي الايام الحلوة , وخصوصا التلفزيونات القديمة هو شرائي لأحدث تلفزيون على حسب كلام البايع , مادري غشني ولا انا ما افهم !!

قعد يشرح لي فيه بطريقة مو طبيعية , والحق يقنال انه فعلا طلع تلفزيون فوق الوصف بزيادة

نحركات عجيبة غريبة فيه تشغيل فلاش ميموري توصيله كيبل اتش دي وبلاوي متلتلة على قولة اخوانا المصرين

حجم التلفزيون 52 بوصة ونوعه سوني بس مو نفس الي بالصورة 🙂 الي عندي احلى واحدث بكثير وما لقيت صورة له علشان احطها لكم

LCD

طبعا كل شيء بسعره , كلفني التلفزيون هذا 1120 دينار كويتي

صراحة مشاهدة الافلام الأتش دي علي هالتلفزيون شيء خيالي , نقاوة وصوت مو طبيعي خصوصا الافلام الحركية والاكشن , ولو اني من هواة الدراما والفكاهة بس ما يضر من وقت الى الاخر الواحد يشوف له فلم حركي

نصيحة اخوية طبقوا المثل الي يقول (حط فلوسك بالشمس واقعد بالظلال) وراح تستمتعون

<< التلفزيون للبيع هههه فهمتوا