الرئيسية » شروحات » طريقة نقل الأفلام مع الترجمة الى الآيفون والآيباد

طريقة نقل الأفلام مع الترجمة الى الآيفون والآيباد

عندما تقوم بتحميل افلام من الإنترنت وتود ان تضيفها في اجهزتك المنوعة مثل iPhone او iPad او iPod عبر برنامج الآيتونز ، تتفاجئ بأن البرنامج لا يقبلها !! وذلك لأن الفلم المحمل من النت صيغته غير مدعومة في اجهزة أبل ، طيب ما رأيك في شرح الطريقة لك مع اضافة الترجمة ايضا لكي تستمتع بمشاهدة افلامك الكاملة بأفضل وانقى صورة ممكنة ؟ تابع معي الشرح

بعد ان قمت بتحميل الفلم من الإنترنت وغالبا ما يكون الفلم بصيغة avi تحتاج الى برنامج يقوم بتحويل الفلم من هذي الصيغة الى الصيغ التي تدعمها اجهزة ابل مثل mp4 او mov !! طيب لحظة هل لديك برنامج كويك تايم “QuickTime” المشغل الإفتراضي في اجهزة ابل ؟ اذا انتهت المشكلة ، او حمل البرنامج ان كنت من اصحاب الويندوز .

الآن كل ماعليك فعله الآتي : قم بوضع الفلم بداخل مجلد مع الترجمة ثم اختر من شريط الخيارات Share ثم اختر كويك تايم ، ستظهر امامك نافذة فيها الأجهزة المراد تحويل الصيغة إليها ، كل ماعليك هو اختيار الجهاز المطلوب وغالبا سيكون iPhone بدون شك لأن هذي الصيغة ستجعلنا نستطيع تشغيل الفلم تقريبا على كل الأجهزة المحمولة كافة ، ستأخذ عملية التحويل وقت وتعتمد على مواصفات جهازك وحجم الفلم المراد تحويله ، بعد ذلك ستجده انتقل بشكل تلقائي الى مجلد الأفلام في برنامج الآيتونز ، عندها تستطيع نقله الى جهاز الآيفون او الآيباد بسهولة وتشغيله مع الترجمة

ملاحظة : الشرح هذا خاص لنظام الماكنتوش وتحديدا (سنوليوبرد)  والكويك تايم الإصدار العاشر ، إن كنت تملك نظام ويندوز بجميع اصداراته  او ماكنتوش نظام ليوبيرد  او تايجر  فأنت تحتاج الى برنامج تحويل الصيغ وتحديدا mov او mp4 حتى يشتغل الفلم على جهازك الآيفون او الآيباد

وهكذا يظهر المقطع على جهاز الآيفون :

طيب مافهمت من الكلام الي كتبته انا هنا في الموضوع ؟ لا يوجد مشكلة !! دائما اضع لك الشرح مصور بالفيديو ، متابعة ممتعة ومفيدة إن شاء الله

 


70 تعليق

  1. شرح أكثر من رائع

    يعطيك العافيه

  2. ماشاءالله عليك اخوي
    شرحك جميل و واضح

    و هذي اول مرة أشوف فيها مدونتك
    و عجبتني الصراحة

    و الى الامام و بالتوفيق

  3. الله واكبر عليك يابو ناصر الف شكر على كل الي قاعد تسوية ربي يخليك

  4. مبدع دائما شرح ولا احلى

    اشلون الفلم يستاهل اني انزله ولا لا

  5. ماشاءالله عليك يابوناصر احنا من دونك مو عارفين شنسوي

    هاب ريح ( ^ ـ ^ )

    تقبل التحايا ……..

    • لا شدعوة فيك الخير والبركة ان شاء الله
      لحظة انت قلت كلمة وتبين لي منها انك تعرفني عدل ، عرف عن نفسك 🙂
      حياك الله

  6. يعطيك العافيه عل شرح الطيب والله

    بس بقيت اعرف اي موقع تنزل منه الترجمه ؟

  7. شرح وافي .. بارك الله فيك

  8. يعطيك العافيه اخوي ،، ومشكور عالمجهود الطيب ،، بس انا عندي استفسارين : الاول ،، انا عندي الكويك تايم برو فيرجن 7.6.6 لما اسوي شير ما يطلع لي الا اني اختار الحجم فقط ،، يعني مافي اختيارات اخرى ،، شنو الحل لو سمحت.

    • الله يعافيك
      البرنامج المستخدم من قبلي هو كويك تايم 10 الخاص بالسنوليوبرد
      نعم اختر الحجم الخاص بالجهاز المطلوب مثلا الايفون او الايباد وهكذا
      ان ماعرفت الطريقة انصحك تحمل برنامج تحويل الصيغ ويوجد الكثير منها في النت
      تحياتي

  9. الاستفسار الثاني ان اللي شغلت فيه الفلم اي برنامج ،، شكله مو كويك تايم .

  10. لكن لو كانت الصيغة mkv بدقة 1080p اعتقد راح تتعذب لنقلها إلى الآيفون أو الأيباد!

  11. الــعــود

    الله يعطيك العافيه أخوي وماقصرت كفيت و وفيت بالشرح الرائع والراقي الله يكثر من امثالك

    اخوي عندي مشكله بالأيفون ثري جي سويت له ابديت وقفل الشبكه وحاولت بشتى الطرقه ومافتح معاي

    وأتمنى أنك تراسلني على الأيميل أخوي هورنت

  12. ماضبط معاي عندك طريقة أقدر أنقل فيها الفلم مع الترجمه للايباد ويكون صفاوته كويسة ؟

    والله يوفقك يارب

  13. صحيح أخوي انا حولت الفلم لصيغه ام بي فور لكن ماندمجت الترجمه معاه مشكلتي بالترجمه 🙁
    كيف أقدر أنقله بالترجمه

  14. مساء الخير ، لو سمحت انا سويت ابديت للماك والحين شغال علي سنوليبرد وعندي الكويك تايم ١٠ بس في مشكلة ان الترجمه العربيه ما تطلع ، تطلع ترجمة غريبه ،، ياريت اذا عندك فكره تفيدني ،، شكرا

    • مساء النور
      نعم الحل جدا بسيط وهو الآتي :
      – افتح برنامج TextEdit
      – اختر من الشريط العلوي File ثم Open
      – إختر ملف الترجمة
      – قبل ان تفتح اختر من اسفل النافذة Arabic windows
      – الآن ستظهر معك الترجمة العربية ( لا تعمل شيء ) !! 🙂
      – اختر من الشريط العلوي File ثم Save As
      – إختر من اسفل النافذة الترميز Unicode UTF-8
      – بس صارت الترجمة متوافقة مع الماك ، ولا تنسى تغير الإمتداد الى srt بدل txt للملف الي تم حفظه ( وافق على الإستبدال ) عند تغير الإمتداد
      تحياتي

  15. فيصل المطيري

    السلام عليكم

    اخووي هورنت يعطيك العافيه و الله يكثر من امثالك بس انا حصلت معاك مشكله ما عرفت احلى و انشالله تساعدني فيها انه انا عندي ويندوز فيستا و انت تقول لازم احوول صيغه الملف الى ام بي فور و حولته مع الترجمه بس لما جيت نزلته على الايفون طلعت الترجمه عندي عباره عن خطوط فقط ( ــــ ) نفس الي بين الاقواس و انشالله تساعدين بأسرع وقت و مشكووور و يعطيك العافيه .

    فيصل المطيري

  16. اذا فتحت الكويك تايم مايطلع عندي في الخيارات share كيف اخليه يطلع؟؟

  17. لو سمحت اخوي ابي اسالك سؤال ؟؟؟

    ما له دخل السؤال في الموضوع !!!

    هل الجلبريك مفيد للايباد ؟؟؟

    وش فائدة ؟؟؟

    • الفائدة انك توفر مصدر آخر للبرامج غير مصدر ابل ستور ( مجانا ) لكل البرامج المدفوعة ، وايضا تفعيل بعض المميزات المغلقة من ابل مثل البلوتوث وغيرها
      تحياتي

  18. الف شكر اخوي

    طيب سؤال ثاني تنصحني اشتري ايباد 3g ولا وايفاي فقط

    و مشكور والله لا يحرمنا من جديدك

  19. انا جهازي ويندوز 7.. ايش افضل برنامج تحويل الى الصيغ الي قلتلنا عليها لوسمحت؟

    وشكرا لكـ ,,

    • يوجد العديد العديد من البرامج اخي
      المهم ان تحول الصيغة الى :
      MP4 او MOV
      وهي الصيغ الي يشغلها اي جهاز من ابل
      تحياتي

  20. طيب كيف اسوي مشاركه مع الايتونز , الكويك تايم حقي اخر اصدار ,

    بليز احد يشرح لي , ما ظبط

  21. محمد الفارس

    يعطيك العافية

    تم نقل الفيلم بنجاح. لكن لم يتم دمج الترجمة معه وعرضها على الآيباد بالرغم من أن ملف الترجمة موجود في نفس المجلد بالجهاز ويحمل نفس اسم ملف الفيلم

    • الله يعافيك استاذ محمد الفارس وشرف لي مرورك الكريم،،
      تأكدت انك محول لغة الترجمة الى UTF-8 لتعمل مع اجهزة الماك كما تعلم ، لان الترجمة الي يتم تحميلها من النت معروف انها تكون بلغة ويندوز
      هذا الإحتمال الحالي ، لاني لم اواجه اي مشكلة كما شاهدت في مقطع الشرح وايضا لأفلام اخرى كثيرة
      شيء آخر انك تتأكد من ان يكون امتداد ملف الترجمة srt
      انا قاعد ( افتي ) لك لأنك تعرف كيف تتعامل مع الوضع كما اعرف ، وماني عارف ليش حصل هذا الشيء معاك استاذي الفاضل

  22. فيصل الحسين

    السلام عليكم ..
    طريقة مختصرة جدا تغني عن البرامج ..
    شكرا لك ، طحت على مدونتك بالصدفة
    وتم الاضافة لمفضلة للمتابعة اول باول ان شاء الله ..

  23. أنا عندي آيفون 3gs واشتريت أيباد
    وأبغى أنسخ البرامج اللي شاريها على الأيفون إلى الأيباد بدل ما أشتريها مرة تانية
    أرجو توضيح إذا كان هناك طريقة
    وهل يمكننا نقل البرامج اللي شاريناها على الأيفون إلى الأيباد
    وأشكرك

    • اولا مبروك الجهاز الجديد
      ثانيا : نعم بكل سهولة اشبك الجهاز بالكمبيونر وشغل برنامج الايتونز وبعد تفعيل الايباد سيظهر لك خيار استرجاع باك اب من الايتونز ( وافق ) وسيقوم بنقل جميع البرامج وكل شي تماما كما في الايفون ويضعه لك في الايباد
      تحياتي

  24. السلام عليكم ..

    أخي الكريم أتمنى انك تتواصل معي عبر الايميل ضرورررري..
    y14s@hotmail.com
    والله يعطيك العافية ويوفقك ….

  25. السلام عليكم اخوي اول شي احب اشكرك عالشرح والتوضيح صراحة كفيت ووفيت
    ويعطيك الف عافية المهم  :
    انا صراحه جدا ما افهم في البرامج و ايت برنامج احسن وانفع يعني مرا مييح !!

    المهم انا لابتوبي عملتلو فورمات ومافي برامج غير الايتونز ولمن حملتو جا معاه الكويك تايم

    حتى انو الافلام ماتشتغل عندي وصراحة ما اعرف ايش احسن برنامج عشان اشغل فيه افلامي !!

    فلو سمحت بخصووص انو ماعندي برامج غير الايتونر والكويك تايم ابيك تقلي اش البرامج اللازمة عشان اشغل افلامي و البرامج الي تساعدني على إدخال هذه الافلام لجهاز ال iPad  
    وأشكرك

  26. يدك العافيه اخوي:

    طيب انا صراحه مافهمت مع انه شرحك ممتاز وجميل ماشاءالله
    انا عندي نظام الويندوز فيستا !

    وحملت الفلم الي اباه بس نفس الفلم حملته مترجم

    يعني انا الحين احمل الترجمه لحالها ؟! ولا كيف

    وفي شي بعد مافهمته :
    انت لما قلت تحطوا الترجمة والفلم في مجلد .. تقصد اني اسوي مجلد جديد واحطهم فيه ؟

    والكويك تايم العاشر مالقيته ممكن تحط رابط لموقع اقدر احمل منه الكويك تايم العاشر 🙂

    ولو حملت الكويك تايم العاشر ايش اسوي بعد كذا ؟!

    واتمنى تجاوبني لاني والله يعلم قد اش محتاجة لذا الشي
    ولك مني جزيل الشكر

  27. يعطيك العافيه اخوي
    شرح وافي ماشاء الله وجربت الطريقه ناجحه والحمد لله

    عندي سؤال صغير ؟ الحين الترجمه عرفت من سؤال الاخوان من وين ننزلها

    ابي الافلام من اي موقع افضل شي انزل منها الافلام؟ بجوده ممتازه ؟

    وشكرا لك

    • الله يعافيك ..
      والله المواقع كثيرة جدا ، بس بالنسبة لي انا شخصيا افضل التورنت
      واستخدم هذي المواقع :
      thepiratebay.org
      و
      speed.cd
      و
      demonoid.com

      وهذي مواقع ( تورنت ) فقط وليست روابط مباشرة مثل رابدشير إلخ إلخ
      تحياتي

  28. بارك الله فيك

    تقريبا نفس الي استخدمهم
    الله يرحم والديك ويرضى عليك

  29. السسلام عليكم ..~

    كفيت ووفيت الله يبيض وجهك يالغالي ..~

    بس أنا نظام جهازي ويندوز 7 !!

    ما أدري إيشش أسسوي بالضبط !!

    هل أحمل برنامج يحول الصيغ !!

    والترجمه مو مدموجه بالفلم يعني بملف مفكره بلحالها وش أسوي !!

    أنتظر ردك الله لا يهينك ..

    • وعليكم السلام
      توفرت الآن برامج سهلة جدا ودون الحاجة لتحويل الفلم بالكامل مثل ما شفت بالموضوع هذا !!

      ادخل الى الأب ستور وتجد برامج مثل :
      – VLC
      – CineXPlayer وشاهد الشرح هنا
      – Opleayer

      وغيرها الكثير ( مجاني ومدفوع ) أنت لك الحرية
      تحياتي

  30. اخوي انا محول الفلم صيغة mb4 وابي نزلة على الايباد بترجمة
    مع العلم اللاب تبعي ماك بروو

  31. اخوي انا اى الان مااشتريت الاي باد ولكن في الطريق يعني الافلام ماتتحمل على الايباد مباشرة من النت انقهرت لما عرفت ان مايتحمل الافلام عليه بدون الكمبيوتر
    بعدين اقدر احمل برنامج التورنت على الايباد
    انا الكمبيوتر حقي ويندوز اكس بي شنو اسوي
    وكمان ماعندي صيغة MP4 وMOV احملها يعني طيب كيف اوصل الاي باد بالكمبيوتر في وصله يعني والا كيف
    وايضا ماعندي برنامج الاي تونز بليز ماني عارفه اشتري والالا محتاره

  32. هل استطيع ان احمل افلام من الايباد ومع الترجمه او بدون
    من نفس الايباد بدون الابتوب
    وهل اذا كنت استطيع هل هي ببلاش free
    ام تشترى
    وشكرااا

  33. لو سمحت ماهو برنامج الاي تونز وهل يتحمل على اي كمبيوتر والا لازم كمبيوتر خاص بشركة ابل
    طيب الاي باد هل استطيع احمل اي برنامج عليه ؟
    الايباد فيه مفضله لما اضع منتديات من النت في المفضله او مواضيع مثل الكمبيوترات

    • برنامج الايتونز يمكن تحميله من ابل وهو مجاني
      الايباد نفس الايفون بس اكبر وله برامج خاصة من ابل فقط
      نعم يمكن وضع مفضلة للمواقع نفس الكمبيوتر
      تحياتي

  34. مشكور اخوي ولكن كنت اسئل الايتونز يتحمل على اي كمبيوتر واي برنامج ؟
    برأيك هل يغني الاي باد عن الاب توب لان انا لدي كمبيوتر مكتبي ومحتار اشتري بين الاي باد والاب توب لان الكمبيوتر قررت ان ارميه
    هل الا ي باد سعت الذاكره فيه كبيره يعني يمكن تحميل افلام كثيره عليه ممكن اقدر اشتري الافلام من الشركه ولا لازم تحمل من كمبيوتر

  35. لدي سؤال ماهو برنامج الايتونز ولماذا يستخدم وهل هوضروري للايباد

  36. اخوي ماجاوبت على اسئلتي اقدر احمل التورنت والريل بلاير على الايباد كمان كيف اوصل
    الكمبيوتر بالايباد فيه وصله وكيف

  37. بسم الله الرحمن الرحيم
    السلام عليكم و رحمت الله و بركاتو

    شكرا على الفلم الي قدمتوة و اتمنى انكم تجيبون اكثر للمبتدئين

    مع السلامة

  38. مشكور

    بس ياليت ترد علي

    انا عندي ويندوز

    وعندي برنامج اللي قلت عنه حق الاخوان VLC وشغلت الفيديو من الابتوب
    بس الترجمه تطلع فرنسيه ليش؟

    وسؤالي الثاني انت الفيديو حاطه على اساس الكويك تايم
    طيب احنا الحين VLC شنو الخطوه بعدين ماشوف عندنا شير بحاله VLC

    منتظرتتك

    • مرحبا
      انا ذاكر ملاحظة في الموضوع ان الطريقة للماك
      وعموما الطريقة هذا ( كانت ) قبل لا تطلع برامج !! كانت الطريقة الوحيدة لنقل الافلام مثل ماشفت في الموضوع
      وراح تحصل رد من ردودي على برنامج ممتاز
      CineXPlayer
      وغيره من البرامج
      تحياتي

      • شكرا على سرعة الرد

        نعم شفت الرد وعلى اساس الخيارات اللي حاطهم حاط vlc بعد
        على هالاساس شفت البرنامج عندي محمل بالايباد قلت استخدمه دام حاطه ضمن الخيارات

        بس مشكلتي بالترجمه يطلعلي ترجمه فرنسيه + مشكلتي انه الصوره في ال vlc ماتظهر على كبر شاشه الايباد بس صورة العرض تكون مستطيله صغيره !

        شنو الحل

        عندي اسأله وايد عن الايباد ابي شخص عارف وفاهم يعلمني لان حولي الناس مايعرفون اللي ابيه 🙁 بس يكفي عندهم الجات والايميل وانا احب استفيد اكثر من الايباد

        وعجبوني طريقة اليوتيوب اللي تظهر فيه الخطوات وايد مفيده وموضحه بالتطبيق بس المشكله انا عندي وندوز عادي مو ماك فاتواجهني بعض المشاكل البسيطة اللي ابي احد يوجهني عليها

        شلون اقدر اتواصل معاك اذا مافيها ازعاج لك

        • الطريقة اسهل مما تتصور
          فقط اختر القلم + الترجمة من الآيتونز
          لايهم ماك او ويندوز
          يمكنك مراسلتي بعدة طرق من نموذج راسلني
          تحياتي

  39. حلو شرحك ومشكوور بس ابي طلب من الشباب ومنك ابي موقع افلام مترجمه خاااااااصه للايفون وشكرا

  40. مشكوور اخوي ..الله يجزيك خير ..ًصراحة هالطريقة اسهل بوااايد

    بس انا عندي مشكله غريبه

    بعد التحويل طلع الفلم بالترجمه العربية والصوت.. بس بدون صورة :S

    إذا في حل لمشكلتي .. اتمنى الافادة 🙂

    شكرا مقدما