الرئيسية » رسالة » دعايات على الفاضي في الكويت iPhone 4

دعايات على الفاضي في الكويت iPhone 4

وصل الآيفون !! لا ماوصل الآيفون !! حصريا لدينا الآيفون !! قريبا سيصل الآيفون !! اول من يبيع الآيفون نحن !!

وهكذا حال سوق الإلكترونيات عندنا في الكويت منذ انطلاق [tagtip]iPhone[/tagtip] ولغاية كتابة هذا الموضوع ،،، كلام فاضي ولا يوجد اي شركة من الشركات تملك الجهاز للبيع فعليا ، كل ما في الأمر حجز  لا أكثر ودعاية لمحلهم بأسهل واسرع طريقة ممكنة

نبدأ مع الكتروزان الذي اقام الدنيا ولم يقعدها عندما تم الإعلان عن الـ iphone4 من قبل شركة ابل ، حيث صرحت ابل نفسها ان الجهاز لن يكون متوفر إلا في 4 دول فقط كبداية وفعلا تم حجز وبيع كامل الكمية في يوم واحد فقط ! ولايمكن لسكان الدول التي نزل فيها التلفون ومن ضمنهم امريكا نفسها ان يحصلوا ( ريحة ) التلفون !! ولكن عند الكتروزان الوضع مختلف ،، شاهد اعلانهم بعد ان نزل الآيفون رسميا في امريكا بإسبوع فقط :

والآن بعد ان تأكد لهم انهم لايستطيعون توفير الأجهزة لمن قام بالحجز بناء على إعلانهم ، قاموا بعد شهر بتنزيل إعلان آخر جديد يتعذرون بعدم مقدرتهم جلب الجهاز ( لمصلحة ) الزبون هههه وتعذروا بأن مشكلة السيرفس هي ما جعلتهم ينتظرون جلب الجهاز ( كما في صورة الموضوع في الأعلى ) وهذا ما تم كتابته بخط صغير اسفل صورة ستيف جوبز :

This is why we decided NOT to bring the iPhone 4 at the moment and advise our dear customer to wait until we get the update devices At Electrozan, we care for you and go the extra mile on losing profit .. for you benefit

وهذي الترجمة :

هذا هو السبب في أننا قررنا عدم تقديم اي فون 4 في الوقت الحالي وننصح عملائنا الأعزاء أن ننتظر حتى نحصل على تحديث الأجهزة في Electrozan ، ونحن نهتم بكم ومستعدون على فقدان الربح.. لمنفعتك

انا اقول خير إن شاء ! مستعدين تتنازلون عن الربح من اجل ارضاء الزبون ؟ اترك التعليق للقراء

طبعا مستحيل نتذكر اي جهاز الكتروني ومانذكر شركة الغانم ( إكس سايت ) !! فهم الآخرون وضعوا اعلان في كل صحف الكويت يتفاخرون بأنهم الأول من احضر الجهاز <<< طبعا حبة وحدة للعرض هههه وهذا اعلانهم

وطبعا الكثير الكثير من الناس ذهبت وانا من ضمنهم لشراء الجهاز او حتى الطلب المسبق ( مع قناعتي ) انهم لن يستطيعوا توفيره لأن الجهاز sold out في كل العالم ، ولكن قلت يمكن لديهم مصدر خاص ولكن طلعوا اي كلام فقط دعاية لا اكثر ،، يلزمونك بدفع مبلغ 50 دينار للحجز وعليك ان تنتظر جلبه لك !! طيب ما الفرق لو قمت بحجزه بنفسي من الخارج ؟ ضحك على الذقون فقط لاغير

طيب ما الذي حصل بعد ذلك ؟

تم استغلال هذا الوضع لكثير من ( المحلات ) العادية وحتى شركات ( التجارة العامة والمقاولات ) هههه بإستغلال الوضع ونشر إعلانات بقصد جعل الناس تقوم بدفع العربون والحجز بحجة جلب التلفون لكم !! والمشكلة بأسعار خيالية ، وإليكم الدليل :

شركة الجدي للتجارة العامة والمقاولات : وهي شركة تبيع كل شيء ابتدأ من طابوق واسمنت لبناء البيوت وانتهاء ببيع علب الكلينكس !! وبالعربي اي شيء المهم انهم يبيعون ويربحون من ورائه !! مالهم ومال الآيفون ؟ قاموا بالإعلان في موقعهم الإلكتروني وفي المنتديات الكويتية المشهورة عن توفيرهم للجهاز الأكثر طلبا حول العالم  الـ iPhone4 كما في الصورة :

بل الأدهى من كل هذا انهم عندما قاموا بالبدأ في نشر إعلاناتهم في المنتديات الكويتية المشهورة ، قاموا بالترويج عن انهم يمتلكون الآيفون 4 اللون الأبيض ههههه نعم هم يقولون ذلك وقمت بالإتصال بهم وأكدولي هذا الشي وانا اضحك << لمن لا يعرف الآيفون 4 لم ينزل الى ساعة كتابة هذا الموضوع ابدا في اي مكان بالعالم ! بل إن [tagtip]apple[/tagtip] نفسها صرحت ان الأبيض سيتم تأخير اصداره الى آخر هذي السنة ! وهذا اعلان من شركة الجدي في بعض المنتديات الكويتية :

طبعا هل هدأ الأمر ؟ هل انتهت ( حمى ) من يحضر الجهاز اولا الى الكويت ؟ لا طبعا !! بل قام الكثير والكثير من الأشخاص العادين بجلب الجهاز وعرضه بأسعار وصلت الى ضعف السعر الأصلي في المنتديات المتخصصة بالبيع والشراء ، وكذلك في بعض محلات التلفونات المنتشرة في انحاء الكويت ، وبدون لا رقيب ولا حسيب من قبل وزارة التجارة او حماية المستهلك ( النائمين بالعسل ) مع كل اسف ان لديهم مسمى حماية ولكن على الفاضي ولا يقومون بدورهم على اكمل وجه او اصلا بدون وجه ابدا !!

دخل على الخط ايضا منذ يومين محل COMTEL هو الآخر امطر جرايد الكويت والمواقع الكويتية بهذا الإعلان الذي يتفاخر بأنه يبيع الآيفون ( عربي اصلي ) لوووول << خروف مو تلفون على كلام اخوي ابوفلان

اخواني لديكم ارقام المحلات التي تم التطرق اليها في الموضوع !! اتصلوا عليهم بنفسكم وتأكدوا ،،، انا لا اتبلى على احد ولا توجد لي مصلحة من الموضوع ،،، لماذا هذا الضحك على الذقون ؟ لماذا لا يتم محاسبتهم من قبل وزارة التجارة او من حماية المستهلك ؟ هل لديهم الحق بعمل هذي التصرفات بشكل علني ؟ هل يملكون الحق بأن يطالبوك بمبلغ عربون لكي يتم جلب الجهاز لك ؟ هل اضمن انهم فعلا سيجلبون الجهاز لي ؟

تساؤلات كثيرة اقوم بطرحها واترك جوابها لديكم اخواني القراء


34 تعليق

  1. للأسف الكثير يحبون التظاهر بمواكبة التقدم وهم حدهم ونسا واوزان وماركات صينية باسماء محلية !!

    أولهم الغانم والجلبة الي احدثها باعلانه وللأسف أكثر الكويتيين ينقادون لمثل هذه الإعلانات حتى يكون هو اول شخص يمسك الآيفون من بين ربعه واهله ولي يومك محد وصله الجهاز 🙂

    فعلا الدعايات تلعب دور

    الجدي ياته فترة يبيع قمصان …….. !! والعاب زوجية هههههههه

    أشكرك أخوي هورنت

  2. كلامك جميل ورائع وصحيح .. بصراحة مسخرة مابعدها مسخرة اللي قاعد يصير .. يعني على الاقل لو يقول احجز تلفونك لكن قول الصج انك بتييبه له بعد شهرين أو 3 شهور مو توهم الناس احجز قبل لا تخلص الكمية لأنه بيوصل عقب اسبوعين!!
    وسالفة الاسعار هذا بروحها شي ثاني .. يمكن اسعار الكترو زان ان الـ 32 بـ 300 دينار معقول نوعا ما اذا فرضنا انك لو طلبته من الخارج يوصلك بسعر 270 مع الضرايب والشحن والتوصيل، لكن لو واحد يقدر ياخذ فلوس الضرايب الي تنحسب عليك يطلع ارخص .. لكن شتقول عن الغانم والجدي يبيع الـ 32 بـ 350 !! وهو المفروض ياخذ كميات ويمكن يحسبون له ارخص من السعر المعلن ..

    شي يجيب المرض والله ..

    • كلامك صحيح ، لأنهم المفروض يشترون كميات بسعر الجملة وبيعها علينا بسعر ابل او اكثر بشيء بسيط جدا
      ومثل ماقلت ان الشرهة علي التجارة في هالسالفة وغيرها

  3. بإختصار ،،، صدقت يا يوسف

  4. فعلا كلام فاضي وقاصين على الناس لو في وكيل رسمي چان ريحونا وفكونا من النصب الي صاير .. مشكور أخوي هورنت عالموضوع والتوضيح للناس

    • نعم ينقصنا وكيل رسمي علشان تنتهي المهزلة الي قاعد تصير وشوف عين التجارة بدون تحرك
      وحياك الله العامر

  5. كفيت ووفيت ياهورنت

    ياكثر اعلاناتهم ومنهم استلمو عربون من الناس وبالاخير ماكو شئ الغانم والاكتروزان دعايه على الفاضي بس الاكتروزان دعايه وبنفس الوقت يسوي قاعدة بيانات با ايميلات خلق الله ببلاش لزوم الدعايات القادمه الله المستعان ماكو الا طريقه ابو فلان لكسر طمع وجشع التجار ياخوفي يغتالونه الله يستر عليه.

    • العفو اخوي جمال
      وان شاء الله يكون هالموضوع فيه توصيل معلومة لكل من يهمه الامر
      وبخصوص موضوع ابوفلان ! لا ان شاء الله ماعليه الا العافية
      تحياتي

  6. سالفة كل واحد عنده الجهاز وتعال أحجز فائحه شوي بس لازم الواحد يستخدم عقله شوي وينظر شوي او يطلبه مم بره، أنا اعتقد ان السعر لا يمكن التحكم فيه لان المحلات مو جمعيه والتجاره حره على ما اعتقد في الكويت!! الواحد مو لازم يشتريه والتاجر ما طق احد على يده علشان يبيع له الجهاز

    • اوكيه خلنا من سالفة السعر على كلامك صعب التحكم فيها ( ولو ) انها سهالة !!
      طيب بخصوص البهرجة الي حاصلة الحين وتعليق العالم بعد ما اخذوا مبلغ العربون وما استلموا شي؟
      نعم يقدر يرجع فلوسه ولكن الضحك على الناس ماهي تجارة ، هذا استخفاف بعقول الناس بمعرفة من الجهات المختصة
      ياسيدي يوجد قانون عرض سعر للسلعة المراد بيعها ، اضف الى انهم يعطوك ( كفالة ) رغم عدم امتلاكهم لترخيص توزيع هذا المنتج من شركة ابل !!
      لو اقعد اعدد لك المخالفات الي هم واقعين فيها سأحتاج الى موضوع جديد
      تحياتي

  7. ناصر- القصيم

    ههههااي ماشاء الله عندكم متوفر الايفون الابيض خخاي 🙂
    بالقصيم ،، الى هالحين ما شفنا اعلان غير بجرير بس انهم قالوا اسود 🙂
    انا ولد عمي شاري اثنين يقول انه لكل شخص ايفونين فقط 🙂 صراحه ماادري عنه ، ويقول لازم تسجل في الايتوز ، ومادري ايش ،،
    الموهيم ان جهازه وصل ،، الجهاز عسسسسل 🙂
    وانا ان شاء الله بإنتظار الابيض 🙂

    • اي شفت شلون الابيض تزل عندنا قبل لاتنزله شركة ابل بكبرها
      خلها على الله يارجل

  8. الناس قامت تتفتح وتعرف هالتجار واشكالهم وهم انت زين تسوي وتفضحم بس قمه في الضحك لمن تشوف اعلان يقول ايفون معرب لول او اصلي او عندي لون ابيض نفس ماتقول شركه الجدي لول

    اكس سايت وغيره من هالشركات حالهم حالنا يطلوبنه من النت انا طلبته وفكيت عمري وصل البيت ويفرق عن سعر الغان ٧٥ دينار

    وعلى فكره موظف ارامكس يقول فوق ال ٧٠٠ جهاز دش الكويت هالاسبوع ( الاسبوع الي طاف ) اتمنى انهم يكونون لاشخاص مو للشركات

  9. سندريلا

    الافضل فيهم شركة الجدي العالمية
    انا حجزت منهم جهازين وبكل صراحه قالوا لنا شركة ابل سحبت الكميه واخرت الدفعه وتفضلوا فلوسكم ودفعت الشركة من جيبها هذا دليل على انهم يبون عميل ما يبون فلوس مو مثل الغانم

    • وجهة نظرك واحترمها ،،
      ولكن مايعني هذا الشيء اني اقتنعت ابدا بالي قلتيه
      تحياتي

  10. كلهم بصوب والي كاتب اي فون ٤ جي عربي اصلي بصوب ولاحظ الجي تدل على الجهل التام بالجهاز

    لا وبعد يوجد جميع الاكسسوارات الاصليه !!!! هو خل ينزل الجهاز بعدين بيع اكسسواراته

  11. اي والله صراحه الاعلان ماله معنى ولا هدف !! فلسو افكار

  12. الجدي احسن شي اول ناس وفروا الجهاز وامس مشتريه من عندهم شي كوووول

  13. مرحبا أنا حاب اشتري الأي فون اليديد لكن متوهق

    ناس يذمونه يقولن السيرفس أي شيء

    وناس يقولون فضيع وفوق خيالك

    اف والله متوهق وأنا في لندن بشتريه باجر. .. شنو تنصحوني فيه القديم ولا اليديد

    بليز ردوا لي خبر ؟؟؟؟؟؟؟؟؟؟؟؟؟؟؟؟؟؟؟؟؟؟؟

    وألف شكر لكم

    • مرحبا ،،،
      الآيفون فور من ينزل بأي ديرة ( يطير ) في ساعات !! مثل ماحصل قبل امس لما نزل في كوريا وتم بيع 130 الف جهاز في 13 ساعة يارجل ( تابع الخبر ) لدجة ان الموقع انهار لكثرة الزوار الي دخلوا يشترون الجهاز ويحجزونه ،،، تعتقد الناس هامها المشكلة الي في الجهاز ؟
      نعم في مشكلة وتم الإعلان عنها من قبل شركة أبل ولكن ماهي الي في بالك ابد !!
      انصحك تتوكل على الله وتاخذ الجديد لأنك راح تاخذ مو بس تلفون !! راح يكون ( كامرة HD + تلفون + مكالمات فيديو مجانا بين تلفونات الآيفون فور و و و و و ) انت طلبت نصيحتي وهذا انا اقولك الحين اخذ نوكيا هههههه طبعا iPHONE 4
      تحياتي

  14. قووه ،، أبي أعرف جم سعره بالكويت

    لأن في شركة أبل قالوا لي خالص !!

    وأكو محل في ايجور رود قالي بـ700 باوند

    مالت عليه غالي عمى بعينه

    ممكن أعرف جم سعره بالكويت وجم يفرق ؟؟

    • نعم هذا سعره في بريطانيا للنسخة ٣٢ جيجا شامل الضريبة
      سعره بالكويت ٣٧٠ واصعد فوق وصلوه اول الايام ٥٠٠ دينار بس الحين قام يتوفر وبالسعر الي قلتلك
      تحياتي

  15. الجدي توزع للمحلات والافراد وارخص سعر عندهم كاش واقساط

    67732131
    97132131
    24333302

  16. كلامك وايد حلو ودخلت عليه بالصدفه عن طريق جوجل

    صرنا كرة قدم حق التجار كل واحد يشوت فينا ويعطي باص حق الثاني لكن انا ما اشره عليهم كثر ما اشره على الملاقيف اللي يركضون ورا تلفون قيمته وصلت فوق 400 دينار رغم المشاكل اللي طلعت فيه وبساطة الفرق بينه وبين اللي قبله الا بالشكل وبعض المواصفات اللي ما تستحق هالمبلغ.

    شركة ابل تعطي المستخدمين بالقطاره وهذي لعبه مكشوفه منها عشان تحافظ على سعر منتجها وتخلي الناس ما تفكر الا فيها وطبعا الابيض لي الحين ما نزل السوق والله العالم شنو راح يكون وضعه.

    الدنيا دواره ودوام الحال من المحال, شركة نوكيا بالامس وشركة ابل اليوم وما ردها تنكسر في يوم وغيرها ياخذ الدور.

    والسلام مسك الختام

  17. لو سمحت ابي سعر ارخيص ابي ابهدي لي ولد عمي مشكور

  18. ابي سعر موحد ورخيص لوسمجت لا اتردني

  19. مشكورين ياشباب بس بغيت احسن محل يبيع ايفون 4 بالكويت ؟
    وابي شنو العيب الي بالجهاز

  20. اشري اي فون الجديد 4 جي ولا لا؟ انا خايف من مشكلت السيرفس

  21. ياناس الايفون4 شنهو لا يكون الي قبل الحين الناس ايفون 7 وانتم 4 خخخ سعر ايفون 8 323د.ك بالمنقف