إقطع الرأس وأفتك من عوار الرأس !!

عند قيامك بطلب أجهزة من الخارج تجد أن بلاك الكهرباء يختلف كليا عن ما هو مستخدم في بلدك ، فتضطر إلى أن تشتري شاحن أصلي بالكامل لكي تحصل على راس الكهرباء المستخدم في بيتك ! أو ربما تضطر إلى شراء قطعة تحويل خاصة للرأس لكي يركب في بلاك الحائط ، مما يضطرك إلى حمل قطعة إضافية ، ما رأيك بأن تقطع الرأس وتبدله ببلاك لا يكلفك أكثر من 250 فلس وأصلي أيضا ؟ يعني لا تعور راسك وأقطع الرأس وبدله وأرتاح … وياريت لو احصل هذا البلاك ! فعلا راح يريح كثير

‫12 تعليقات

  1. السلام عليكم عمليه تبديل راس الواير جدا مفيده لكن من تجربه
    سابقه و يمكن من كثر الشيل و اللف حق الطلعات ولا شي الراس الجديد بعد
    التركيب له مساؤ و اهمها انه الواير يتشلع

  2. اخوي تغيير البلاك ممكن يسبب حريق لا سمح الله …..
    خصوصا البلاك اللي انت مغيره (بالصوره) ….
    لان البلاك الي غيرته (الدائري) فيه فيوز داخله …
    وماتقدر تركب نفس هالافيوز في البلاك المربع …
    بالاخير البلاك الدائري فيه واير ارضي (اخضر او اصفر) داخله, ركبته في البلاك المربع ؟
    لان اذا ماركبته احتمال كبير ان يصير التماس …..

    ,,
    البلاك الدائري اللي غيرته قوته 250 فولت (16امبير)
    والبلاك المربع اللي ركبته قوته 230/240 فولت (13امبير)
    يعني كأنك مركب مكينه شفر على مرسيدس 🙂

    وبالاخير الله يكفينا شر الحرايق …..

    1. – كهرباء الكويت 240
      – نعم البلاك الجديد بداخله فيوز
      – نعم يوجد واير الآيرث ( اخضر اصفر ) وتم تركيبه

      والله يكافي الجميع

  3. والله حاطله وصله بس مكبره شكله وماخذه مكان بالجنطه

    لو حاط صورة الوايرات هههه وين الأحمر والأخضر 🙂

    1. بغيت أحطها والله يابوفلان بس راح اوصل معلومة غلط ، واتسبب في مصيبة لا سمح الله
      لو مصور الوايرات بشكل صحيح قبل لا اقفل البلاك كان حطيتها
      نعم ما أمون ابد ابد على الكهرباء ، وماقصروا الشباب في المساعدة مثل ماشفت ! وهذي من مميزات تويتر
      حبيبي اقطع الراس وارتاح دامك متأذي من الحجم على كلامك