جهازي الجديد MacBook Air 13

ولله الحمد والمنة إشتريت اليوم  ماك بوك أير MacBook Air 13  وبذلك يبقى فقط الخطوة الأخيرة وهو الآي ماك 27 وسيكون قريبا جدا إن شاء الله

الخطوة التي انوي القيام بها بعد شرائي لهذا الجهاز كالآتي :

  • استبدال الجهاز الحالي الذي أملكه MacBook Pro 15 بهذا الجهاز الجديد في الموضوع للتنقل السهل
  • شراء iMac 27 ليكون الكمبيوتر الرسمي والثابت في المنزل ، سيكون جميع شغلي عليه طبعا

ولله الحمد أستطعت شراء الجهاز من موقع مزاد الكويت من شخص لم يستعمله أكثر من أسبوعين فقط بناء على الفاتورة وتاريخ الشراء من محل ديجتس ، موصفات الجهاز جائت تماما كما كنت أتمنى وهي شاشة 13 رام 2 جيجا هاردسك 256 SSD بمعالج 1.86 طبعا الكيبورد عربي والشاحن مخصص للكويت ، الجهاز مكفول لدى ديجتس سنة كاملة

ولله الحمد والمنة السعر جدا مناسب لي و يعتبر صيدة جميلة ، أتمنى أن تستطيعوا الحصول على نفس الصفقة التي حصلت عليها أنا ، تم شراءه بسعر 390 دينار  وللعلم هذا الجهاز يباع حاليا لحظة كتابة الموضوع بسعر يتعدى 700 دينار كويتي !! نعم مبالغ في سعره ولكن هذا الي حاصل مع الأسف عندنا في الكويت

قريبا سيتم عرض جهازي الماك برو  في موقع المزاد بعد أن أنقل ملفاتي منه الى الماك أير

‫27 تعليقات

  1. على البركه هورنت كنت مفكره اشتري قبل يومين بس هونت ماله داعي
    بالنسبه لي لاني موحيل عالنت مثلك مشالله

    اما الايماك اكيييييد ناويه

    والله يعطيك خيره

  2. مبروك عليك الجهاز
    وبالنسبه
    للاسعار حتى عندنا في السعوديه سرقه عيني عينك
    الله يعينا

  3. 1000 مبروك لك ياهورنت تكسره بالعافيه
    بس عاد لاتنسى تكتب لنا تجربتك معاه واشلون اداءه
    وبالمبارك ^_^

  4. على البركه يا بو ناصر زين ما اخترت وسعر ممتاز جدا
    تكسره بالعافيه ان شاء الله

  5. على البركه وتكسره بالعافيه

    اذا تبيع الهارد SSD OCZ لجهازك القديم بروحه بلغني : )

  6. على البركة ان شاء الله
    بس غربية اخوي انك تتخلى عن البرو وتستخدم الاير ؟؟؟؟

    عموما موفق ان شاء الله وتكسره بلعافيه ^^

  7. مبروك خوش جهاز

    بس انا ما ادري شنو فيني .. فيني حساسيه من الماك احاول اهضمه وما اقدر 🙁
    احاول احبه تلوع جبدي 🙁

    امس خذيت معاي بالدوام جهاز الجالاكسي تاب وشبكنا بالواي فاي بالدوام من غير مشاكل

    حاولت استخدمه كتلفون بس صعب! ههههه كبير حبتين

    1. و هل الجالكسي تاب من اجهزة ماك ؟
      اللي يجرب الماك راح تكون ردة فعله عكسك تماما !! ماك رائع مثل ويندوز تماما

  8. بالمبارك بالمبارك

    تكسره بالعافية

    نبي تقرير عنه يا بوناصر يسوى ولا لأ ، ولا ماك بوك برو ١٣ جديد

  9. مبروووك .. وعليك بالف عاافيه ..
    الحين صار عندك شي خفيف تطلع وتروح فيه اي مكان !
    وابي رايك اذا تنصحني فيه .. علماً ان عندي imac 27 و mackbook pro 15
    >> عكس مخططك ههههههههههههه