Blade اول لابتوب في العالم خاص فقط للألعاب

كما يطلقون على هذا الابتوب اسم Blade فهو اول لابتوب متخصص فقط في الألعاب بمواصفات مجنونة نوعا ما من شركة Razer و المتخصصة في انتاج الألعاب ، اعتقد ان الشركة تخاطر في هذا الإتجاه لصنع لابتوب وتسوقه على هذا النهج انه فقط للألعاب وهم اول من يقوم بهذا الشيء !

مواصفات الجهاز هي :

  • 2.8GHz Intel® CoreTM i7 2640M Processor
  • 8GB 1333MHz DDR3 Memory
  • 17.3″ LED Backlit Display (1920×1080)
  • NVIDIA GeForce® GT 555M with NVIDIA® OptimusTM Technology
  • 2GB Dedicated GDDR5 Video Memory
  • Built-in HD Webcam
  • Integrated 60Wh Battery
  • 320GB 7200rpm SATA HDD
  • Wireless Network 802.11 b/g/n Compatible
  • 16.81″ (Width) x 10.9″ (Depth) x 0.88″ (Height); 6.97lbs (Weight)

يا ترا كم سيكون سعر هذا الجهاز ؟ يقال أنه سيكون في حدود 2800 دولار و موعد صدوره سيكون في الربع الرابع من هذي السنة ، فهل يستحق فعلا هذا السعر؟ أو هل يستحق فعلا صنع لابتوب مخصص فقط للعب الألعاب ؟ السوق سيحدد نجاح هذا الكمبيوتر من عدمه !

httpv://www.youtube.com/watch?v=H2Nbn4bjf6s

الوسوم

‫8 تعليقات

  2. ممتاز جدا وفعلا جاهز للعب . لكن انا مازلت افضل الدسك توب لانه الافضل في اللعب والابتوب كثير التنقل . والسعر ممتاز جدا بالنسبة لهذه المواصفات . ياترى كم يكون سعره بلكويت هل فعلا . 2800 دولار او ادبلها مرتيين.؟

  3. الجهاز ممتاز ومواصفاه جبارة ,
    لا احب اللعب على الكمبيوتر سوى بعض العاب شركة capcom

  5. جملة “The World’s First True Gaming Laptop” هي للدعاية فقط
    شركة ديل تنتج لابتوبات مخصصة للألعاب من فترة طويلة باسم
    Alienware Laptops
    وشركة توشيا و MSI ينتجون بعض الموديلات أيضا، وهناك شركات أخرى.

  6. نار ياحبيبي نار…الصراحة مواصفاته غير طبيعية بس جنه سعر لك عليه شوية الحين زمن طفرة القيم اون لاين راح زمن العبة تلعبه بروحك مجابل الكمبيوتر انا من اشد معجبين بالعاب اون لاين من سنة 2002 كنت العب كونتر بعدين حولت فاينل فنتسي و اخر شي واركرفت وايد ناس قامت تجابل العاب اون لاين وتوقع راح تكون الطفرة اكثر بعد بالسنين اليايه

  7. بالنسبه للألعاب فأنا اشوف انه هالمنتج راح يكون ناجح نوعا ما لكن ليس للمستقبل البعيد .. يعني بيكون هبه بس .. لأنه الكل عارف انه احلى شي للعب الالعاب الاون لاين وغيرها حلاتها على شاشه كبيره وكمبيوتر منزلي عشان تاخذ راحتك بالتراك باد والكي بورد الكبير وتقدر تطور فيه على راحتك على حسب احتياجك .. ولكن الاب توب صعب انك تطور فيه خصوصا هاذا النوع من الاجهزه الي نادر جدا تلقى قطع تركب وماشي التطور الي هو واصله .. وحتى لو بعد سنه راح تلقى القطع نادره وغاليه بالنسبه للمواصفات والقابليه للتطوير .. وبالنسبه للمواصفات فأنا اشوفها عاديه جدا بالمقارنه مع اي كمبيوتر تجميعي للألعاب بالكويت .. المواصفات بالنسبه للابتوب هي مواصفات جد خياليه لأنه اولا واخيرا الابتوب هو للتنقل واختصاراً للوقت .. انما للعب اونلاين فيه راح نشوف بالمستقبل مع انها شغله بايخه حيل حتى لو حطو الشاشه حجمها كبير راح تكون التجربه دائما اقل من كمبيوتر منزلي وشاشه Full HD

    1. كلامك صحيح
      هم فقط حاولوا يصيدون الحركة بأن يكون لابتوب ( الأول ) عالميا والمتخصص في الألعاب ، بمعنى انك تاخذ لابتوبك و تتنقل فيه وين ماتبي علشان تلعب بدال ما تاخذ كمبيوتر ديسك توب او جهاز مثل بلاي ستيشن و الي تحتاج تشبكها في تلفزيون الخ الخ

      ممكن يضرب في السوق و ممكن مايكون عليه اقبال ، الأيام بتثبت

      تحياتي لك