يقولك الحفلة في المنقف وسعر التذكرة ١٢ دينار شامل ( كل شيء ) اكل و شرب !! <<< وين قاعدين احنا ؟
طحت لكم على شيء غريب من نوعه فعلا ،،، وأول مرة يمر علي صراحة ، الشيء هذا عبارة عن ( دعوة لحفلة رقص لاتينية ) والعدد محدود لفقط ٢٠٠ شخص شامل المشروب وبوفيه مأكولات خفيف ، وسعر التذكرة فقط ١٢ دينار والمكان في منطقة المنقف ( تجمع الأمريكان ) عندنا في الكويت …. حقيقة ماني عارف شنو اقول !! اترك الحكم لمن يملك الحكم في هذي المسآئل الغريبة في البلد ،،، هل عندهم تصريح ؟ وذا في تصريح هل يتم الموافقة على حفلات الرقص ؟
الأدهى من هذا انهم يملكون موقع خاص حتى يتواصلوا من خلاله بحفلاتهم وتجمعاتهم المشبوهة والي تحث على الفسق والفجور ، ومو غريبة يمكن يحصل المثل ( لبعض ) الشباب الكويتي !! اذا مالقوا رادع قوي لمثل هذي التصرفات الغريبة والعلنية !!
هذي هي بطاقة الدعوة وقد تم مسح رقم التلفون منها ، واحتفظ بموقعهم لنفسي حتى لا اكون مساعد بنشر موقعهم الفاسق .
