انتظرت الى رابع يوم من العيد علشان تخف الأماكن بسبب ازدحامها بمناسبة عيد الأضحى وانا اكره جدا الإزدحام ، والحمد لله نوعا ما كان الإزدحام خفيف في حولي بارك وقمت بتصوير بعض اللقطات لبناتي وهم في قمة السعادة ، والحق يقال اني اطلعهم بالسنة حسنة مثل ما يقولون !!
كنت متملل انا نفسي في هذا اليوم لأن الروتين يحتاج الى كسر بأي شكل من الأشكال ، واساسا انا كنت انتظر ان ينتهي العيد والإجازة وبعدها آخذ بناتي لأماكن الألعاب ليتسلوا ، ولكن الإنتظار سيطول وادري اني ماراح اطلعهم لسبب الدوام او لأي سبب آخر ، والحمد لله اني استغليت الطلعة بالكامل للبنات من اولها الى آخرها ،، فأخذتم الى حولي بارك واستمتعوا بجميع الألعاب ( والله لا يخسر ) مبلغ وقدره لوووول وبعدها اخذتهم الى تصليح البليستيشن ، وأخيرا اخذتهم الى محل بيع العاب وكل وحدة من البنات اشترت اللعبة الي تريدها دون تدخل مني ( وطبعا ) اختاروا اغلى الألعاب وانا اقول يستاهلون لووول انا ما اطلعهم الا من سنة لي سنة ،، يعني بالكويتي خربتها على الآخر امس ، وان شاء الله اني راح اتم على نهج الترفيه مع عيالي من وقت الى آخر وليس بالمدد الطويلة بين الطلعة والأخرى ، الي كسر خاطري بنتي الرابعة الصغيرة ما أخذتها بسبب الجو البارد عليها وايضا لأنها راح تتعبني بسالفة الحليب وتوابعها ،، بس مرة ثانية بوديهم مكان مغلق مثل مجمع وفيه العاب ويكونون كامل العائلة ان شاء الله
وهذا مقطع على السريع للبنات وهم في قمة السعادة ولله الحمد
httpv://www.youtube.com/watch?v=VtvINFElTjo