الرئيسية » اخبار » رسميا الآيفون 5 في الكويت iPhone 5 in Kuwait

رسميا الآيفون 5 في الكويت iPhone 5 in Kuwait

لمن كان يود شراء الآيفون من النت ولم يستطع او لمن يود شرائه من النت هذي الأيام فعليه ان ينتظر ! لأن شركة ابل قامت قبل قليل بإصدار خبر توفر الجهاز في الكويت بشكل خاص و الخليج والوطن العربي بشكل عام بتاريخ 14/12/2012 إن شاء الله ، المعروف ان ابل لديها شراكة مع شركتي ( زين ، فيفا ) ولا اعلم ان كانت الوطنية لديها شراكة مع ابل من عدمه ! المهم ان الجهاز سيتوفر في هذا التاريخ ويمكنك اخذه من هذي الشركات ، ننتظر اعلان سعره والباقات المصاحبة له ، والأهم من هذا ان يتحدث الحهاز الى اصدار 6.1 حتى يتم تفعيل ميزة LTE في اعدادات الجهاز والتمتع بالسرعات العالية كما في هذا الموضوع 

 

18 تعليق

  1. يعطيك العافيه بس شنو الفرق بين ايفون هذا والايفون الي يبيعونه الحين؟

    • انه راح يكون متوافق مع شبكة الكويت LTE / 4G 1800 MHz Model A1429

      والأهم انه راح يكون متوفر بعقد و بسعر مخفض اذا مو يمكن يوفرونه مجانا !! للي ما يقدر يشتريه كاش

      والله يعافيك

  2. انا متنح شويه ماعليه بس الي يبيعونه الحين اصدار A1429 اذا نزلو له ابديت راح يشتغل LTe مع شبكه الكويت؟ يعني ما اتحسف عللى جهازي الي شاريه الحين؟

    • اي نعم راح يشتغل طالما يحمل هذا الموديل ، كلها ايام ويتم توفير تحديث لأجهزتنا الى الإصدار 6.1 وراح تظهر في اعدادات الجهاز ميزة تشغيل LTE نفس هالصورة :

      LTE

      • مشكور للتوضيح والصراحه انا من اكبر المعجبين بمدونتك ماقدر اقعد يوم كامل بدون لا ادش المدونه

        • انا متوفر للتصوير مع المعجبين يوم الإثنين في الأفنيوز :/

          حبيب الله يسلمك على الإطراء ، وان شاء الله اكون عند حسن الظن دائما

          وشرف لي المتابعة الله يسلمك

        • وانا نفسك 🙂

          جزاك الله خير يابوسالم بس بغيت اعرف الساعه جم يوم الاثنين تكون موجود بالافنيوز عشان نبي نصور معاك انا والعيال 🙂

          على فكره تراني ناطر نتائج السيجاره الالكترونيه.

  3. السلام عليكم اخ هورنت
    اولاً اشكرك على الخبر..
    ثانياً انا كنت للتو بدزلك ايميل بخصوص احد المحلات الي بل كويت اسمه Blink
    اليك قصتي، احد زملائي في الجامعه شرا جهاز ايفون ٥ من الموفع الرسمي لمحل Blink المتواجد في حولي شارع بن خلدون بسعر ٢٦٥ للـ ١٦ قيقا الشهر الي طاف ونصحني ان اشتري منهم لانهم الارخص بل كويت، وهذا الي حصل بعد ايام رحتلهم ومنزلين السعر من ٢٦٥ الى ٢٤٦ وهذي ليست المشكله بل من لم يريد خصم؟ خذيته ورديت البيت، اول ماطلعته من الكيس
    ١) التغليف الي عليه مو تغليف ابل، ابل معروفين بتغليهم البلاستك الخارجي بنعومته وشكله الشفاف والنظيف، الي له خبره باجهزة آبل رح يعرف الي اقصدة.
    ٢) فتحت التغليف والعلبه، بصمات على الشاشه واللزاق الي على الشاشه مرفوع لين ربع الشاشه وليس ملصوق بشكل كامل ومافيه ستكر من خلف الجهاز.
    ٣) احاول افتح الجهاز مافيه بطاريه اطلاقاً!!، الي اعرفه ان يكون من الشركه مشحون على الاقل لي النص، صححني إن اخطأت.
    ٤) السماعات باين مستعمله والواير مال اليو اس بي ايضاً لستكر الي لاف عليه باين انه ملزوق غصب.

    بحكم محاضراتي احد افراد عائلتي راح بيرده لهم وطبعاً قالو مايصير الى ان نتصل بل “مدير” وهو يعطينا الاذن، خلو الجهاز واحنا نتصل عليكم. طبعاًِ ماخلاهم وقعد لهم قعده لين ردو الفلوس، شلون تبيعون اجهزه مسعمله للناس ؟ عذرهم انهم يتعاملون من احدا الشركات في الكويت واهيا تزودهم بل اجهزه فلغلط من الشركه الي يتعاملون معاها وليس منهم، وللامانه لما رحت اشتري الجهاز اتصل على شخص وقاله اذا متوفر عنه ١٦ قيقا اسود، وقالي راح ايبونه من المخزن لان الي في الرف بل محل كانو كلهم بيض وواحد اسود وعلى حسب الي قالي انه الاسود مو ١٦ فبتالي راح ايبلي واحد من المخزن.

    شفت علبة زميلي امس والسماعه الي لم يفتحها وهم باين انه مستعمل!! وسألته اذا كان فيه بطاريه لما فتحه وقالي لا، لكن فات الاوان صارله تقريباً شهر من شراه.
    احذر آي احد من الشراء من هذا المحل واتمنى ان يكون رقابه عليهم، وان كان في رقابه عليهم تكون على الاجهزه الي ايبونها من برا (المخزن) لان انا متأكد ما يجازفون ويخلون شي مستعمل ومن تغليفهم داخل المحل.

    حمدالله, على حظي بعدها بأيام نزلو ابل الايفون Unlocked على Apple.com/us
    وبدال الـ 16 قيقا طلبت ((((الـ 64 قيقا)))) بــ 849 دولار امريكي أي 238 دينار كويتي!!!!!!!!

    اتمنى تساهم اخ هورنت بتحذير الناس من هذا المحل، انت رجل لك متابعين للمدونه وللتوتر مالك وناس تصدقك، فبتالي كتبت لك ولمتابعينك اهني وبارك الله فيك.
    اللهم اني قد بلغت اللهم فشهد

    • اعانك الله

      اذا كنت تتابعني من مدة راح تعرف اني بيني وبين هالمحل قضية اصلا :/

      واما بخصوص تنبيهي في الموقع كل الي عليك انك تبحث عن المواضيع السابقة وراح تشوف العجب فقط ابحث بأسمهم Blink

      واما بخصوص تويتر صدقني ما قصرت والمتابعين عارفين هالشيء !!!

      واشكرك على التنبيه من جديد

      تحياتي

  4. السلام عليكم ورحمه الله وبركاته،

    تم تأجيله من ابل الى تاريخ ١٦ لان ١٤ عطله رسميه يصادف يوم الجمعه

    هذا للتنويه بس

  5. بغيت اسال شنو افضل شركه لخدمه الانترنت للايفون

    • الاجابة تعتمد الله يسلمك

      انا جربت الشركات كلها واستقريت على شركة زين لعدة اسباب اهمها اذا انتهت المساحة المخصصة لك تقل السرعة ولا يحسب عليك اي رسوم اضافية ، طبعا الى جانب سرعة الانترنت في زين اجده جدا ممتاز

      • شكرا على انقاذك لي لاني اول مره ادري بهل شي

      • ُڤيڤا نفس الشي، الكاب ٢ قيقا واذا تعديته يصير ابطء ولا يحسبون عليك.

        • هذا عيب كبير في فيفا الله يسلمك

          انا اشوف طريقة زين احسن ، لك مساحة محددة بالشهر تبي تخلصهم بيوم او بشهر انت حر

          اما ان يتم اجباري على مساحة ٢ جيجا باليوم فهذا الشي غلط !! تخيل معاي : شاهد مقطع يوتيوب واحد HD تخلص ال ٢ جيجا المخصصة لك باليوم

          تحياتي

      • بالنسبه لي اشوف فيفا افضل بخدمة الانترنت مع العلم اني في السابق الغيت عقدي ودفعة ١٠٠ دينار لانهم غيرو سياستهم بخصوص الاستخدام واصبح ٢جيجا ياليوم بدون اخذ موافقة اصحاب العقود واعطائهم حرية الاختيار سواء كان بالاستمرار مع السياسه الجديده او الغاء الاشتراك بدون أي إلتزام مادي،
        اما الان رديت لهم والسبب ان اشتراكي بزين كان ٧ دنانير تقريبا والمخصص لي بالشهر ١ جيجا اعتقد بانها لا تكفي حتى لتصفح بريدي اليومي،
        واشتراكي الحالي بفيفا ٢٠ دينار ولي ٢جيجا باليوم يعني بالشهر ٦٠ جيجا،
        وبالنهايه اعتقد بان الشركات الثلاث بالكويت خدمتهم سيئه اذا تمت مقارنتهم مع الدول المتقدمه،
        ولكن يبقى الاختيار لأفضل السيئين.
        ودائما تقول يابوسالم بأن العميل هو من يحدد الافضل وليس مجبر على الاستمرار مع اي شركه غير مقتنع بخدماتها.اي ان العميل هو صاحب القرار والشركات هي من تحتاجه وليس العكس.

        • هلا بوفهد

          اي نعم نظريتي الي مايقدم لي خدمة مقابل المبلغ الي ادفعه اغير على طول

          طبعا كل شخص صاحب قراره في اختيار الشركة الي يرتاح معاها

          تحياتي لك