إستفتاء : هل مازلت تستخدم شركة ارامكس للشحن ؟

شركات الشحن

فضلا لا أمرا اطلب منك التصويت على افضل شركة شحن تستخدمها في الوقت الحالي ، نظرا لما نلاحظه في الفترة الأخيرة من سوء الخدمات المقدمة من قبل شركة ارامكس و ما يتقاضوه من اموال نعتقد بأنها مبالغ بها ، فهم لا يوفرون ميزة تجميع الشحنات كما تفعل بقية الشركات الأخرى والدعم الفني في شركة ارامكس عقيم جدا ، هذا غير التأخير الغير مبرر منهم وإلقائهم اللوم دائما على الجمارك ، فهل ما زلت تتعامل معهم ؟

مثال لشركة بوردرلينكس التي اتعامل معها مؤخرا وكيفية تجميع 14 شحنة وارسالها لي بصندوق واحد لتوفير قيمة الشحن ، تخيل كم كنت سأدفع لشركة ارامكس لو تم شحن كل شحنة على حدى كما هو حاصل في الوقت الحالي لعدم توفيرهم تجميع الشحنات ؟ هذي رسالة لشركة ارامكس بأن عملائكم بالفعل بدأو الهجرة الى شركات أخرى توفر لهم ميزة التسوق الحقيقية .

شحناتي في بوردرلينكس

اختر الشركة المفضلة لديك :

[poll id=”12″]

 

‫44 تعليقات

  1. كنت من مستخدمي ارامكس بكم سنة بس بطلت بعد غلاء اسعارهم و انتقلت الى بوستا بلس الى الآن و توصيلهم مرات من اسبوع الى أسبوعين بس رخيص و عندهم خدمة تجميع للشحنات و الي يسال كيف
    عندما توصل الشحنة الصندوق و تتسجل عندهم Order Received قبل لا تكون عليها shipping forward to kuwait
    تروح الى consolidate shipment و تأشر على الشحنة الى تبي تخليها بالصندوق الى ان تاتى جميع ما الشحنات و تعمل عليها مثل الشحنة الي قبلها و عند الانتهاء تاشر على close active consolidation
    بعدها يتم شحنها مع بعض

  2. من جد حسبي الله عليهم شركة بإدارة سيئة ومندوبين توصيل أسوأ ممكن الشحنة توصل ولا يسلمونها
    وترجع للمصدر بدون اي مبالاة

  3. تجربتي مع اراميكس الان ومازالت المشكلة قائمة انى ارسلت نضارة الى مصر سعرها 1400 والحين يقولو عليها جمارك 1950 يعني جمارك اعلي من قيمة النضارة عايز اعرف ازاى ؟

  4. ارامكس سئ جدا ونصابين طالبه كريم وزنه 40 قرام حاطينه بسعر البوند الواحد 68 ريال شحن والله ابين ونصحوني بالورلد شب وودي اجربه

  5. ولكي تكتشغوا مشاكل شركة بوستا بلس ومدى سوء خدمة العملاء لديهم وعدم اهتمامهم بالشحنات والتأخير في التسليم هذي صفحتهم على تويتر
    MyBoxpostaplus
    ادخلوا الصفحة وستعرفون حقا مدى فشل هذه الشركة من خلال مشاكل الناس معهم.

  6. إضافة إلى وجود عرض مجاني للتسجيل ببطاقة الفيزا، اعفاء من رسوم التسجيل واعفاء من رسوم التجديد السنوي لمدة سنتين، يعني في سنتين بتوفر 140 دولار .. مع خصم على الشحنات اول شهر 25% وبعد ذلك 20% والخيارات مفتوحة للا ختيار بين شركات التوصيل دي اتش ال أو فيدكس أو يو اس بي اس.

  7. الي يقول ان بوستا بلس عندهم تجميع شحنات فهذا الكلام غير صحيح، من كثر ما هم ضايعين ما يدرون وين الله حاطهم، شركة ما عندها امكانيات ولي يبا يرفع ضغطه والا ينجلط يجرب هذي الشركة ميزتها الوحيدة انها اسعارها رخيصة وتناسب الي يطلب بين فترات متباعده (مرة كل شهرين )، أما الي يطلب أكثر من ثلاث شحنات شهريا فإن ميزة تجميع الشحنات في “ماي يو اس” بتمنحك سعر أرخص من بوستا بلس.

  8. بوستا بلس هي أسوء شركة شحن ممكن تتعامل معها على الإطلاق، لدرجة أن شحناتك ممكن ما توصل وانا واجهت هالشيء، خدمة عملاء سيئة جدا وموقع بدائي لا يوفر ادنى معلومات الشحنة، لا أنصح بها على الإطلاق. أفضل شركة حاليا وبدون منافس هي “ماي يو اس” وتستحق الامتياز بكل ما تعنيه الكلمة من معنى. وتأتي أرمكس في المرتبة الثانية.

  9. اراميكس معامله غير مضبوطة وإهمال للأغراض وكلمه غير صادق والمسئولين عنه كلمه ما في اي شي من الصدق لا يقولون لك ايوه ولا يقولون للك لا اهم شي في المعاملة معهم انك لا تأخذ منه اي شي غير الخسارة وهذا الكلام معي انا شخصيا

  10. آخر شي كلمت الأستاذ الموظف المحترم شادي حنفي قلت له ايه الحل قال لي اعمل شكوي في الشركه وانا بالفعل عملت توكيل لمحامي علشان يمشي بالاجرات

  11. في كده في الدنيا في دبي أخذوه 450دولار سعر الأغراض اللي في الكرتونه سعره 600دينار كويتي ارمكس تبي تعطيني تعويض ١٠٠ دولار والاخوه الموظفين ب ارمكس كل كلمهم اني هذا سيستم شركه يابشرسيستم الشركه عندكم لخسره العملاء روحتهم ولا لخسارتهم ومعانتهم يليت حده يفيدنا بحل مع ارمكس

  12. نصحيه لكم لا احد يشحن عليم اهم شي بالتشبه لهم انا يأخذوا ثمن الشحن لكن العميل مش مهم يكسب يخسر أغراضه توصل أو ما توصل عادي بالنسبه لهم

  13. انا شحنت من دبي كرتونه تم الاتفاق مع الأخ المحترم بفرع شركه ارمكس بدبي علي أساس توصيل الأغراض الي مقر الشركه اللي انا أدوم فيه والأغراض سألته عنه ممنوع تدخل الي الكويت ولا تدخل من غير مشكله الأخ المحترم بدبي كان رده علينا اني الأغراض مافيه مشكله وخلال ثلاث أيام تكون واصله عندي بالشركة والحين لي أكثر من شهر ونصف والأغراض بالمطار الشركه المحترمة قالت الأغراض هذي ممنوعه وآخر شي حبوا يعوضنا ١٠٠ دولار مع اني الشركه المحترمة أخذت علي الكرتونه ٢٠٥٠ ألفان وخمسين درهم اماراتي وانا ورحت المطار أكثر من مره ورحت الشركه أكثر من مره وعندهم ما في حل اهم شي يأخذوا فلوس الشحن وبعد كده انت توصلك أغراضك ولا ما توصل هم مالهم شغل لو في اي احد منكم حبب يشحن لا يشحن علي ارمكس لاني المعاملة عندهم مش كويسه بالمرة وهذى نصحيه مني لكم جميعا

  14. السلام عليكم انا مشترك بارامكس من سنوات طبعا رفعوا سعرهم الباكج ما يجمعونه بس الشركات اللي ذكرتوها هل لها افرع في الكويت هل توصل شحنتك للباب

  15. انا اشتركت بارامكس طلبت من امازون اغراض طبعا ماجمعوها يابوها مفرقين وتعالي دفعي مكرمين الجوتي دفعت ٩،٥ اتصلت اقولهم ٢lbc تقولي تعادل كيلو المهم ليش هالسعر الجمارك ماخذه ٥ دنانير واحنا ٤،٥ ماعندهم الا الجمارك دفعت بامازون مايعادل ٣٠ وراح ادفع شحن ٣٠ الله يرضي مايسوي علي الطلب وموعارفه شركة احسن كل واحد يمدح شركة الثاني يذمها شركات الشحن اخلاق ماعندهم لما تسالهم شنسوي ماتدري وين الصجيه

  16. انا جربت ارامكس واسعارهم خياليه كرتون ملابس خمسه كيلو ياخذون خمس وثلاثين اربعين هالحروه. حولت على ماي يو اس اشتركت بعشرين ويوصلون لي بسرعه خلال اسبوع اول اقل من عشر ايام والسعر بعد مو بطال يعني ادفع مناك عشرين عشان يدزون البضاعه واهني ادفع لفدكس عشره اول اقل. اجمالا احسن من ارامكس وودي بعد بارخص من هذول الشركات.

  17. انا بعد ارتفاع الاسعار في ارامكس وغيرها قمت استخدم الشحن المباشر عالبيت واختار المستعجل او الدرجة الاولي خلال يومين تكون الشغله عندي واغلبها تكون علي شركة فيد اكس وتكلفتها واصلتني البيت وخلال يومين ١٠ دنانير يعني زياده عن ارامكس دينار بس الفرق هذولي خلال يومين وارامكس تاخذ فوق الاسبوع مع الجمارك ٣ ايام تصير السالفه كلها ١٣ يوم

  18. ياجماعة أنا استخدم بوستا بلس
    أرخص بكثير من أرامكس

    لكن ..
    الدعم الفني عندهم ولا ابيزة ، كأنه مالهم علاقة باللي بأمريكا ، والبضايع يستلمونها مايسجلونها بموقعهم الا بعد 3 ايام تالي انطر لما يدزونهم ، طبعا رحلة الطيران عندهم من 3 – 5 ايام يالله توصل الكويت ، أعتقد انهم اييبون شحناتنا على بعارين تطير

    بس أنا مستغرب من اللي يقول انه بوستا بلس عندهم تجميع شحنات !!
    يعني أنا أكثر من مرة أطلب شحنات يوصلون صندوقي بنفس اليوم بس بينهم ساعات
    يدزون وحدة ويخلون الثانية عندهم 3 ايام

    شقوني شق بغباؤهم

  19. مرحبا،

    برأيي أراميكس هي أفضل شركة، بحسب إياد كمال مدير العمليات في شركة أرامكس فان التفاني والمودة وحسن التعامل مع العملاء هي أهم القيم بالنسبة لهم.

    الرابط هنا :

    http://blog.bayt.com/2013/01/%D8%A7%D9%84%D8%AA%D9%81%D8%A7%D9%86%D9%8A-%D9%88%D8%A7%D9%84%D9%85%D9%88%D8%AF%D8%A9-%D9%88%D8%AD%D8%B3%D9%86-%D8%A7%D9%84%D8%AA%D8%B9%D8%A7%D9%85%D9%84-%D9%85%D8%B9-%D8%A7%D9%84%D8%B9%D9%85%D9%84/

  20. Borderlinx

    أسرع بوايد من أرامكس و أرخص

    بس في عييب شرعي .. لو طالب ريشة بس حطوها بصندوق عود .. راح تدفع مبلغ و قدره ..

    يحسبون عالحجم مو الوزن

  21. سابقا كنت استخدم اراميكس طبعا مشاكل لها اول مالها اخر
    شحنات بالخطأ توصلني – زياده بالاسعار بشكل مبالغ فيه بفترات زمنيه قصيره و بدون مبرر – سوء تعامل خدمه العملاء و لا مبالاه

    حولت على بوستا بلس
    ١- رسوم الاشتراك لمره واحده اقل ٧ دنانير اقل من اراميكس ب ٥.٥٠٠ دينار
    ٢- اول نص كيلو ٢.٥٠٠ اراميكس ٣.٢٥٠
    ٣- كل نص كيلو ٢ اراميكس ٢.٧٥٠
    ٤- التخليص الجمركي دينار اراميكس دينارين
    ٥- بالنسبه للمده مو سريعه لكن بالفتره الاخيره اراميكس شحناتهم صارت تطول لغايه ١٠ ايام و اسبوعين يعني متقاربين
    ٦- بوستا توفر خدمه تجميع الشحنات على عكس اراميكس
    ٧- تتفوق اراميكس بتوفير صندوق بالصين زياده عن بوستا بلس و انا اشوف ان صناديق بريطانيا و امريكان تؤدي الغرض

    ومره طلبت شحنه من استراليا على بوستا على صندوق امريكا اكسسوارات للايفون ٥ و لما وصلتني الشحنه كان المغلف فاضي و القطع مفقوده طبعا صعب تحدد وين الخلل من استراليا او من جمارك امريكا او جمارك الكويت لكن اتوقع الخلل من جمارك امريكا لان المغلف كان مشقوق من تحت و بنظام التتبع ببوستا مذكور نوع الشحنه كيس بلاستيكي (طبعا الجمارك مشوا على الوصف بدون ما يشوفون الشحنه و خذوا رسوم علي مع ان السحنه وصلت عباره عن ظرف بريد داخله الكيس البلاسيتيكي الصغير) المهم اتصلت على بوستا بلس و قالولي ييب لنا الفاتوره و احنا نعوضك و فعلا رحتلهم ثاني يوم مع مع الفاتوره و الشحنه و ردولي فلوسي كامله و انا قاعد و تعامل مدير خدمه العملاء جدا راقي و هالشي هدأ عصبيتي و تحملوا المسؤوليه مع ان الخطأ صعب تحديد المسؤول عنه بالضبط
    لكن لو هالموقف صاير مع اراميكس اتوقع جان اقبض من دبش

    1. اخوي أنا مشترك في بوستا بلس ، ماني شايف عندهم خدمة تجميع الشحنات

      ياريت تعلمنا

  22. انا كنت استخدم اراميكس قبل ولكن تركتها واهم سبب لتركي هو انه كل شحنة بروحها وكل شحنة ياخذون عليها رسوم بروح والسبب الثاني ارتفاع اسعارهم اللي كل شوي رافعينه

  23. السلام عليكم
    تم التصويت لصالح My US
    مع العلم ان worldship1 كانت افضل بالنسبه لي لولا الازمه التي مرت بها في الفتره الاخيره،
    ان شاء الله اليوم سوف اطلب عن طريق My US

  24. ما اقدر اصوت ، لان ما جربت غير ارامكس .

    و طبعا انا محتاره بهالموضوع اني اتم معاهم
    او اغير لشركه ثانيه فيها خدمات افضل .
    و بنفس الوقت ما ودي لان ما اشتري الا بعد
    جم شهر مره : )

    غير انه الشركات الثانيه ، تعتمد على الوزن
    الفعلي و الحجمي و تاخذ الاكبر منهم !
    عكس ارامكس ، فـ ما ادري شلون الحسبه !

    و بعد شحنون على فيدكس و DHL و هالشركتين
    ما ادري شلون نظامهم ! او بالعربي جم بيصكوني
    عشان الجمارك ! :/

    و بعد بعضهم اشتراكهم سنوي ، و اقعد اجدد
    و انا ما اشتري الا على الخفيف ! : )

    و اتمنى ارامكس اتسنع خدماتها ،
    و تضيف خدمة التجميع : )

  25. اخيرا سمعت نصيحتي وجربت البوردر لينكس ..كفووو والله توقعت انها بتعجبك لاني اعرفك ماتجامل بهالامور

  26. انا قليل الطلبيات وأتعامل مع أراميكس سابقا وسأبحث عن شركة أخرى اذا نويت الشراء في المستقبل لأني أثق في رأي الأخوة المدونين الذين اتابعهم باستمرار وانت أولهم في رأيهم باراميكس ومقارنتها مع غيرها وشكرا

  27. مشكلتي بالشركات الأخرى غير اراميكس انها تاخذ الوزن او الحجم ايها اكبر , ميزة ارميكس بالنسبه لي ما فيه اشتراك تدفعه مره وحده اول ما تشترك بس و يأخذون الوزن لحساب التكلفة وبما ان طلباتي قليله هم المناسبين لي اتمنى بس يضيفون خدمة التجميع

  28. شركة ارامكس تعدت مرحلة السوء … اغراض توصل مكسورة .. لخبطة في الشحنات و اوقات تستلم شحنات ناس ماهي لك .. خدمة سيىة و دعم فني اسوء … و في الاخير حرامية … والان لي سنة في شكاوي وياهم لفقداني اغراض مرسلة لي من بريطانيا و الكل يلقى باللوم على الاخير.

  29. يارجال تخاف من التغيير الناس يمدحون في شركات وناس يذمون مادرينا من نصدق فسحبت على الشراء من النت

  30. توقفت عن استخدام شركة ارامكس وجربت وورلد شيب، ما اقدر اصوت لآن حالياً ماعندي شركة مفضله وناوي اجرب MyUS أن شاء الله

  31. لم اصوت , وذلك لاني لم اجرب غير اراميكس
    لا تعجبني خدمة اراميكس فهناك مبالغة في الاسعار .

    ولكن انا اطلب بشكل نادر من الانترنت , ربما يمر علي شهرين او اكثر لكي اطلب شغله وحده فقط .

    ارى ان هناك اعجاب كبير في خدمة My US . فهل اذا غيرت من اراميكس الى هذه الشركة
    سيكون هناك فرق كبير في توفير المال ؟

    فكما قلت انا طلب بشكل نادر جدا , واذا طلبت تكون قطعة او قطعتين بالكثير .

    بارك الله لك اخوي هورنت و وفقك الله لما يحب ويرضى

  32. ودعت ارمكس من بعد مبارلغتهم بالاسعار والتخليص الجمركي،، واتجهت الى وورلد شيب وللاسف تراجعت خدماتهم ،، وحولت لشركت بوسطه بلس وكانت تجربه فاشله بكل المقاييس اذا طلبت وشحنت عن طريقهم احسب حسابك ٢٠ يوم بالقلليل علي مايسجلونها وعلي ماتوصل ، من تجاربي معى بوسطه بلس طلبت قطعه ب ٢٠ دولار وجتني الفاتوره يقولون الجمارك ماخذين عليها دينار ونص 🙂 من غير التخليص الجمركس دينار .. يقصون علينا

    والضاهر بحول الى بوردولنكس او myus بس عيب ماي يو اس الاشتراك السنوي الاني قلييل الطلب من الخارج

    الحل الاتجاه للشركات الاجنبيه الان الي عندنا بطونهم ماتشبع

    وهاذي تجاربي واسف علي الاطاله

  33. توقفت عن استخدام اراميكس بسبب التأخير الكبير احيانا كثيرة تاخذ اسبوعين في الكويت بس والعذر الجمارك في حين غيرها يخلصها بيوم واتجهت ل MyUs بعد تجربة بوردر لينكس وغيرها بسبب مزايا في التجميع وفك العلبه الاصليه وايضا خصم ٢٢٪ يعني بهالنقاط اشوفها الافضل حتى من بوردرلينكس