الرئيسية » شامل » مطعم ماكدونالدز سره باتع

مطعم ماكدونالدز سره باتع

وجبة ماك رويال

مطعم ماكدونالدز شغال ٢٤ ساعة في منطقتنا و ٢٤ ساعة زحمة !! هل يدل هذا على انه مطعم لذيذ ، ام ان مطعم ماكدونالدز له سر باتع ؟ ،،،

صحيت من النوم الساعة ٢:٠٠ الفجر بعد ان كنت سهران وراجع من الدوام تعبان ، ما تغديت ونمت على طول ، وبعد ان صحصحت بشرب القهوة ( اشتغل بطني ) من الجوع ، والساعة صارت الحين ٢:٤٥ الفجر ، طبعا مالي خلق اقوم اعمل لي شيء على السريع مثل ( خبز وجبن ) ! فقلت ليش ما اروح مطعم ماكدونالدز الي جنب بيتي واعرف انه مفتوح ٢٤ ساعة والأدهى من ذلك ان طعامه لذيذ جدا

زحمة عن المطعم الساعة ٣ الفجر

طبعا كان اليوم يوم خميس ( فجر الجمعة ) وإنصدمت من عدد السيارات في هذا الوقت ٣:٠٠ الفجر يطلبون من المطعم ، والمعروف انه يوم يتم السهر فيه في الدواوين او في البيوت بحجة انه لا يوجد دوام في اليوم التالي ، وطبعا في أواخر الليل يشعر الناس بالجوع ، واول مطعم يتم التفكير فيه بإعتقادي هو هذا المطعم  McDonald’s لما يتميز به من نظافة الأكل وتنوع الأذواق فيه حقيقة

لحظة طلبي للوجبة

قلت لنفسي ليش ما انزل الى داخل المطعم وآكل وجبتي كنوع من التغير ، وفعلا نزلت وطلبت وجبة ماك رويال كما في اول صورة فوق ، وحقيقة المطعم هذا ( ماله حل ) أكله لذيذ بشكل مو طبيعي من وجهة نظري ، أضف الى انه يغير من روتين الأكل اليومي في البيت مثل ( المجابيس والعيوش ) وبدون شك وأنا اعترف بهذا الشيء انه لا يوجد انظف ولا احلى من أكل البيوت ، بس الواحد وده من فترة الى أخرى أن يغير من روتين حياته !! حتى في الأكل كما فعلت .

التصوير من تصويري بواسطة تلفون نوكيا N95 ، هورنت

9 تعليقات

  1. لا هذا الي بالقرين ، وعلى فكرة جميع افرع ماكدونالدز في الكويت زحمة مو طبيعية حقيقة
    وحياك

  2. من ناحية اكله حلو اهو حلو بس حرمت اكل منه عقب مارحت ماكدونلد كيفان وانا اكل والله لقيت حشره في صمونتي قطيتها وماقمت اكل منه

    • ول ول حشرة مرة وحدة !! المفروض ماتسكتين على هالشيء ، اقل مافيها تطلبين المدير علشان يتصرف .
      يالله زين انج شفتي الحشرة وماكليتيها بالغلط .
      وخيرها بغيرها اختي kuwaitawyaa
      تحياتي

  3. ماكنت بسكت بس لاني طلبت ورحت البيت كليت فقلت مايسوي اطلع خلاص ماره ثانيه ما اطلب منهم:s

  4. صدقت من ناحية لذيذ الـ لذيذ !
    بس مضر لدرجة مهي طبيعيه من اسوء مطاعم الفاست فوود
    صرلي مقاطعه من فترة اول مابديت رجيم هههههههه , فوق الشهر ونص .

    شهيتني , وبالمناسبة مدونة رائعه و قناة رائعه 🙂 , يعطيك العافيه

    احمد – جدة

  5. ماحب هالمطعم كلشششششش اكله مو ذاك الزود ومايعجبني والله يديم النعمه

    احس كله بلاستيك مادري شنو لاقين فيه

  6. معلييييييييييييييييييييش هذا المطعم ما تدري وش وراه وأنا أخوك

  7. شي شي هالمطعم حتى انا أحبه ولم شفت الصوره اشتهيت آكل منه يم يم عجييييب