الحذر الحذر من الإشتراك في انترنت فيفا VIVA
ليس تشهير بهذي الشركة !! ولكن من حر ماشفت من مشاكل وعدم اهتمام في العميل ،، والسبب الإنترنت السيء جدا والمقدم من قبلهم بشكل بطيء جدا جدا ، وقد قمت بعمل مقطع فيديو يثبت كلامي حتى لا يحسب علي ! وجب التنبيه .
امممم ماذا اقول ،، حقيقة تعبت من اشتراك فيفا إنترنت ، ومللت من الإتصال بهم وتقديم الشكاوي ، لدرجة اني عرفت اسماء اغلب الموظفين فيها ومن جميع الأقسام بدأ من قسم الرد على العملاء في خدمة 102 وإنتهاء بقسم الشبكات ، ولا حياة لمن تنادي .
لو يتم تعويضي كان قلنا مو مشكلة نبقى مع هذي الشركة ، لو ان المشكلة تذهب وتعود نقول هم مومشكلة نبقى ونتحمل ولو اني مو مجبور ! ولكن ان تتم المشكلة لأشهر وبدون تقدير من الشركة لي وإلتزامي دفع فواتيري الشهرية بإنتظام ( ولا اجد الخدمة المطلوبة نظير اشتراكي ) فهذا الغير مقبول اطلاقا .
تم التوكل على الله واتخاذ القرار التالي :
سأذهب الى حماية المستهلك لتقديم شكوى بسبب عدم حصولي على الخدمة المطلوبة ، ويوجد الدليل على المشاكل المقدمة من قبلي وتقرير المهندس الذي حضر الى بيتي ( في هذا الموضوع ) ولم تحل مشكلتي ولم يتم تعويضي ، وإن شاء الله سآخذ حقي على أكمل وجه منهم ، لأن السكوت عن الحق هو ما تتمناه الشركة ، وتعرف ان المواطن الكويتي كسول في ملاحقة حقه المأخوذ منه ، ولاكنها تلاحقك في حال لم تسدد اشتراكك ، فلماذا لا نلاحقهم نحن أيضا ؟ وهذا ما سأفعله بحول الله صباح الغد في حماية المستهلكين لتسجيل شكواي موثقة عن سوء الخدمة المقدمة لي من شركة فيفا نظير اشتراكي لديهم ، وإليكم مقطع الفيديو آخر عن المشكلة .
السلام عليكم و رحمة الله و بركاته
أوا أهنئ الأخ هورنت على هالموضوع الطيبو الي مهمته النصيحة للغير.
بس انا، شخصيا، ما تحوشني مشاكل مثل ما انت و غيرك من الجماعة قالوا.
ما يسوا اني أحلف لك على هالموضوع، بس انا ما تحوشني ماشكل، واذا حاشتني اي مشكله، اتصل عليهم، و بخلال دقايق كل شي يصير تمام. ما أبي أقول ان الفيفا نت ما اذاني، بس ما طلع روحي علشان يشتغل.
انا ما أمدح الشركة، مثل ما انت ما تهر فيها، بس انا ما قلت الا الواقع الي قاعد يصير معايز
بس الصراحة، ما كو على DSL بس المشكلة اي شركة؟؟؟؟؟؟؟؟؟؟؟؟؟؟؟؟؟؟؟؟؟؟
انا اشتريت خط فيفا مع عرض منذ 9 اشهور وشترتى خط ثانى منذ شهرين الخط الاول معاة لاب توب والخط الثانى معاة تليفون 8E وبدات مشكلتى مع الشبكة منذ شهر وقدمت شكوى كتير لخدمة العملاء اول حاجة يقدملك شكوى للدعم الفنى ويقوللك بعد 48 ساعة هيتصلوا بحضرتك او هيبعتلك فنى ضبعا ولا حد هيتصل بيك ولا حاجة انتا الى لازم تتصل وبعدها يقوللك المشكلة محلولة اى يعنى مافى اى مشاكل على الخط بعد كدة يقولك اقدم لك طلب تانى ولازم تستنا 48 ساعة تانى وبعدة يحولة مشكلة الى قسم الشبكات وياتى الرد ان التخطية ضعيفة فى المنطة بسسبب زيادة عدد المشتركين ومن حقك تكنسل بدون اى غرمات طيب انا رحت عشان اكنسل قلولى فى الفرع نقدر نكنسل خط واحد بس لى انت اخذت معاة التليفون والثانى ميفعش عشان معاة لاب توب قلولى لازم تروح الادارة فى السالمية ورحت كلولى انت اخذن الخط مع العرضى لاب توب ودة مينفعش يكنسل لازم تتدفع الغرامة قلتلهم منا اخذت عرض تانى مع التليفون وكنسلتة قالو لى لاب توب غير التليفون ولازم تتدفع وحنا با بدى اى شى افدمة للك بصراحة ياجماعة شركة فيفا xxxxx شركة شوفتها فى حياتى من سوء الاستخدام والتغطية xxxxx هم بيجبوا الناس عن طريف العروض ويوقعوهم فيها انا هشتكى الشركة دى حتى فى الادارة قلى نفس الكلام بس معنى تانى بقولى انت مش لازم تسال عن السمكة الاول قبل متشريها ياجماعة نصيحة ماحد يشترك معاهم انا مجرب قلتلو عند ك
اخوي اانا عندي خط فيفا انترنت وصارلي تقريبا شهرين مو دافع فاصلينه علي واليوم رحت ابي ادفع قالولي احسابك 200 وانا ادفع شهريا 24 دينار بس اخر مره كان علي 74 ورحت ابي ادفعهم لقيت هالمبلغ ومادري شسوي
على ايام العرض كان الخط معاه جهاز لابتوب مجاني لمدة سنتين ومادري شسوي الحين 🙁
وانا اضيف صوتي الى صوت الاخ فالانترنت بطيء وعندي تجارب بافضل مواقع القياس العالميه على سبيل المثال لا الحصر http://www.speedtest.net/
وقارنه مع الوطنيه او الاتصالات سوف ترى ان فيفا اكبر مقلب
اخوي انا عندي فيفا وكان شغال على سنقة عشرة على قولة حبايبنا المصاروه ، حاليا حصلت لي نفس مشكلتك من حوالي شهرين تقريباً يعني شهر 11 ، قالولي المشكلة من التغطية أو الأبراج ، ولا زالت المشكلة موجودة ، لكن لما استعمله بالدوام أو في منطقة ثانية غير مكاني الأساسي يكون الانترنت مثل الطلقة ،، أعتقد ان المشكلة في التراخيص من البلدية قبل فترة شالوا كثير من الأبراج من شكاوي الناس على قولتهم من الأمراض
الله يكون بعونك ما راح تقدر تستعمل اشتراكك بأي مكان ثاني غير البيت ،، بالتوفيق
يا جماعه انا عندي فيفا وماشتكي منه وسرعة التحميل توصل الى 800 كيلو ساعات ووقت الضغط 500 واشتراك فيفا على حسب المنطقه اللي ساكن فيها يعني اذا تعرف احد عنده فيفا اخذ منه الاشتراك وجربه عندكم وشكرا
بكتب معاناتي ولو انها متأخره
صراحه شركه فاشله بمعنى الكلمه\ونصب واحتيااال ( عينك عينك )
انا مشتركه لمده سنتين بمبلغ شهري 18 دينار
وحضرتهم حاسبينها على بـ 22 وكنت شهريا ادفع الـ 18 وهم يجمعون لي فرقيه المبلغ اللي هي 4 دنانير .
لين صار على مبلغ وقطعوا مني الوصله
الحين صار لي قريب السنه اراجع ومافي اى فاااااااايده
اهمال بالعميل – خدمة سيئه جدا جدا – نصب واحتيال – وقهرررر
اقسم بربي انك الموضوع على الجرح
فيفا وما ادراك ما فيفا .. حسبنا الله ونعم الوكيل على نصاب ومحتال
انا اعاني من بطء بـ السرعه من 8 شهور والدعم الفني لا حياة لمن تنادي
المصيبه اني ادفع طوال هذى الثمان اشهر 24 دينار وسرعتي 5 كيلو بايت !!
مرات اترك الفيفا واتصل عن طريق الدايل اب تخيل الدايل اب اسرع 🙂
المصيبه اني ابي الغي اشتراكي بس يقولون لازم تدفع 50 دينار !!
المفروض انا اللى احصل على تعويض جراء الخدمه السئة جداً جداً جداً
راح اتوكل على الله واقدم شكوى بـ خدمة حماية المستهلك إن شاء الله
وما فى شئ بالتجنى بل بالدليل القاطع والمصور بالفيديو
يعطيك العافية اخوي هورنت
والله ماقصرت وانا ان شاءالله من بكره بقدم عليهم شكوى ولو يصير ارفع قضيه برفع عليهم بصراحه حق الثلاث الشهور اللي اضحكوا علي فيها
سؤال
شنو الاشتراك اللي تنصح فيه ؟
لاني خلاص طلقت فيفا بدون رجعة حتى تيلفوني الفيفا بقطه وبرجع على زين
ماقدر انصح؛ شنو الأفضل لك اخوي المشعل !
يمكن الشركة الي تكون عندي زينة تكون عندك انت العكس
حاليا استخدم DSL على خط البيت ومرتاح معاه جدا
موفق خير
انا اعاني نفس المشكله وابي افصل الاشتراك
بس اللي غاثني انهم يبون 50 دينار رسوم فصل الاشتراك +20 دينار اشتراك شهر كامل
اخوي هورنت
هل انفعوك بشي حماية المستهلك؟
وكيف فصلت الاشتراك؟ لاني ابي افصل اشتراكي صارلي ثلاث شهور وانا اتهاوش مع الشركه
اخوي المشعل
حماية المستهلك يطلبون منك العقد + فواتير للمبالغ الي دفعتها ، وان شاء الله يقدرون يفيدونك
انا عن نفسي لقيت لي درب ومباشرة من راسي لراس مدير الشكاوي في فيفا
تم الغاء مبلغ ٥٠ دينار والغاء الإشتراك
نصيحتي لك الآتي ، اذهب مباشرة لمجمع الومبيا مقر الشركة الرئيسي وادخل الى مدير الشكاوي ، واعتقد انهم راح يطلبون لك مهندسين يكشفون على المشكلة عندك ، وبعدها سيتم كتابة تقرير من مصلحتك تحجهم فيه
تحياتي
السلام عليكم ورحمة الله وبركاتة
مثل ما تعرفون هذي الشركة تابعة لشركة الاتصالات السعودية قصدي (الانفصالات السعودية)
معروف عنها الخدمات السيئة في السعودية فكيف عندكم همها الوحد هو الارباح
وشفط جيب العميل ولا تفكر فية حتى
نصيحة من مجرب لا تشترك ابدا مع هذه الشركة واعلم انها لا تستحق عميل مثلك
اخوي محمد العنزي ابشر انتهت علاقتي معاهم ولله الحمد ، وتم التحويل الى DSL
تحياتي
مرحبا ..
اهنيك على هالخطوه .. شيء جميل ان الواحد مايسكت عن حقه ..
مالي تجربه مع نفس هالشركه .. لكن مع اختها الكبيره التجارب معاها لاتعد ولاتحصى .. والممشكله ان البدائل غير موجوده !!
اتكلم عن الDSL طبعا ..
الله يقويك ..
والله ياخوي Nasser Khalid مليت من كثر تقديم الشكاوي وكثر الوعود الي يقولون لي عنها وما اشوفها
كلها كم ساعة ان شاء الله وأكون عن حماية المستهلكين لتقديم الشكوى بإذن الله
المصيبة يقولون ان الإنترنت يكون بطريقة ( التوزيع العادل بين العملاء ) !!
وهل ٥ كيلو بايت عدل مقابل اشتراك شهري كبير !!
العدل إن شاء الله سآخذه منهم بالقانون
وشكرا لك على مداخلتك