الرئيسية » اخبار » سراية الكويت يوم السبت 17/4/2010

سراية الكويت يوم السبت 17/4/2010

السبت 17/4/2010 الساعة 8 صباحا هلت على الكويت سراية قوية مصحوبة بالأمطار القوية تحول بعدها الى هوا قوي جدا ، وقمت بتصوير الحدث واليكم المقطع

كنت اشاهد فلم في الدوانية ومندمج حدي ! وطاحت عيني على الشباك ولا اشوف الدنيا ظلمة وكأننا في الليل ، قعد اسأل نفسي ؟ هل نحن الآن الصبح ولا بالليل !! لأني فعلا اختلفت وقعدت اشك ، وقمت اتذكر متى قعدت من النوم ؟ هل كان الصبح ولا بالليل !! فعلا لأن الجو كان ظلمة وفتحت الشباك ولا اقتنعت اننا فعلا في الليل وليس الصبح 🙂

بدأ الجو يتغير شوي شوي وفجأة هلت امطار الخير بغزارة ، فقمت بسرعة وركبت السيارة لأتمشى بالمطر ! وبعد 15 دقيقة فقط وقف المطر وتحول الى هواء عالي وقوي ، فقررت المرور بمطعم ماكدونلدز لشراء فطور والعودة للبيت لأنصدم بمظلة سيارات جاري مقلوبة بسبب الهواء الله يعينه ، طبعا تخلل ضمن جولتي تصوير حادث سيارة الله يعينهم ويكفيهم من الشر

وهذا المقطع لما حدث في هذا اليوم !! عفوا في هذي الـ 15 دقيقة فقط من هذا اليوم يا سبحان الله

7 تعليقات

  1. الله يحفظكم ان شاءالله
    شكلك نوام كثير وبكدا شكيت وماعرفت انت بلليل ولا بصبح
    لاتحاول تصور بلمطر لان الرعود راح تجيك لامحاله
    واترك عنك الماكدونلدز ومشتقاته وخليك على اكل البيت
    اخوك قسوم

  2. سبحان الله

    هاذي 15 دقيقه الناس تصرقعت لو مطوله يمكن الكويت تغرق كلها

    المطر جندي من جنود الله سبحانه لو اراد ان يهلك دولة فيه يهلكها

    انا كنت نايم حسافه وطافني كل شي

    بس بوناصر وتويتر مايقصرون دائما عندك حصريات وأخبار عاجله

    ييلك تفتح قناة نفس جويهل هههههههه

  3. انا تريقت بسلطان شرق اليوم!
    الجو صار حلو بس انا صحيت على تصرقع ورعد لما شفت الغبار والمطر قتل هذي يمكن السحابه البركانيه الضخمه وصلت الكويت
    مظلة جاري بعد انشقت!

  4. يعطيك العافيه اخو قلبى على هالتصوير وعسى ربى يحفظ هاالديره واهلها—لكن عندى سؤال شصار عالفيلم كملته ؟ وبعدين ساعة السياره متأخرة 3ثوانى للعلم :حافظك الله اخوى هورنت peace======

  5. بسم الله الرحمن الرحيم
    انا نمت على ساعه 6 الصبح وصوت الهواء القوي قعدني من النوم ماقدر ابطل عيوني قلت اطل من الدريشه اشوف براه وبطلت الستاره واطالع انصدمت من الجوو يخرع والله
    رجعت على السرير وانا خايف واقول الله يستر اول مره اخاف جذي ودعيت ربي يعدي الكويت على خير من هل الجوو الى يخرع والحمدالله على كل حال
    اتوقع هذا انذار من الله
    وا الله يهدينا جميعاً ان شاء الله