طريقة نقل الأفلام مع الترجمة الى الآيفون والآيباد
عندما تقوم بتحميل افلام من الإنترنت وتود ان تضيفها في اجهزتك المنوعة مثل iPhone او iPad او iPod عبر برنامج الآيتونز ، تتفاجئ بأن البرنامج لا يقبلها !! وذلك لأن الفلم المحمل من النت صيغته غير مدعومة في اجهزة أبل ، طيب ما رأيك في شرح الطريقة لك مع اضافة الترجمة ايضا لكي تستمتع بمشاهدة افلامك الكاملة بأفضل وانقى صورة ممكنة ؟ تابع معي الشرح
بعد ان قمت بتحميل الفلم من الإنترنت وغالبا ما يكون الفلم بصيغة avi تحتاج الى برنامج يقوم بتحويل الفلم من هذي الصيغة الى الصيغ التي تدعمها اجهزة ابل مثل mp4 او mov !! طيب لحظة هل لديك برنامج كويك تايم “QuickTime” المشغل الإفتراضي في اجهزة ابل ؟ اذا انتهت المشكلة ، او حمل البرنامج ان كنت من اصحاب الويندوز .
الآن كل ماعليك فعله الآتي : قم بوضع الفلم بداخل مجلد مع الترجمة ثم اختر من شريط الخيارات Share ثم اختر كويك تايم ، ستظهر امامك نافذة فيها الأجهزة المراد تحويل الصيغة إليها ، كل ماعليك هو اختيار الجهاز المطلوب وغالبا سيكون iPhone بدون شك لأن هذي الصيغة ستجعلنا نستطيع تشغيل الفلم تقريبا على كل الأجهزة المحمولة كافة ، ستأخذ عملية التحويل وقت وتعتمد على مواصفات جهازك وحجم الفلم المراد تحويله ، بعد ذلك ستجده انتقل بشكل تلقائي الى مجلد الأفلام في برنامج الآيتونز ، عندها تستطيع نقله الى جهاز الآيفون او الآيباد بسهولة وتشغيله مع الترجمة
ملاحظة : الشرح هذا خاص لنظام الماكنتوش وتحديدا (سنوليوبرد) والكويك تايم الإصدار العاشر ، إن كنت تملك نظام ويندوز بجميع اصداراته او ماكنتوش نظام ليوبيرد او تايجر فأنت تحتاج الى برنامج تحويل الصيغ وتحديدا mov او mp4 حتى يشتغل الفلم على جهازك الآيفون او الآيباد
وهكذا يظهر المقطع على جهاز الآيفون :
طيب مافهمت من الكلام الي كتبته انا هنا في الموضوع ؟ لا يوجد مشكلة !! دائما اضع لك الشرح مصور بالفيديو ، متابعة ممتعة ومفيدة إن شاء الله
مشكوور اخوي ..الله يجزيك خير ..ًصراحة هالطريقة اسهل بوااايد
بس انا عندي مشكله غريبه
بعد التحويل طلع الفلم بالترجمه العربية والصوت.. بس بدون صورة :S
إذا في حل لمشكلتي .. اتمنى الافادة 🙂
شكرا مقدما
حلو شرحك ومشكوور بس ابي طلب من الشباب ومنك ابي موقع افلام مترجمه خاااااااصه للايفون وشكرا
مشكور
بس ياليت ترد علي
انا عندي ويندوز
وعندي برنامج اللي قلت عنه حق الاخوان VLC وشغلت الفيديو من الابتوب
بس الترجمه تطلع فرنسيه ليش؟
وسؤالي الثاني انت الفيديو حاطه على اساس الكويك تايم
طيب احنا الحين VLC شنو الخطوه بعدين ماشوف عندنا شير بحاله VLC
منتظرتتك
مرحبا
انا ذاكر ملاحظة في الموضوع ان الطريقة للماك
وعموما الطريقة هذا ( كانت ) قبل لا تطلع برامج !! كانت الطريقة الوحيدة لنقل الافلام مثل ماشفت في الموضوع
وراح تحصل رد من ردودي على برنامج ممتاز
CineXPlayer
وغيره من البرامج
تحياتي
شكرا على سرعة الرد
نعم شفت الرد وعلى اساس الخيارات اللي حاطهم حاط vlc بعد
على هالاساس شفت البرنامج عندي محمل بالايباد قلت استخدمه دام حاطه ضمن الخيارات
بس مشكلتي بالترجمه يطلعلي ترجمه فرنسيه + مشكلتي انه الصوره في ال vlc ماتظهر على كبر شاشه الايباد بس صورة العرض تكون مستطيله صغيره !
شنو الحل
عندي اسأله وايد عن الايباد ابي شخص عارف وفاهم يعلمني لان حولي الناس مايعرفون اللي ابيه 🙁 بس يكفي عندهم الجات والايميل وانا احب استفيد اكثر من الايباد
وعجبوني طريقة اليوتيوب اللي تظهر فيه الخطوات وايد مفيده وموضحه بالتطبيق بس المشكله انا عندي وندوز عادي مو ماك فاتواجهني بعض المشاكل البسيطة اللي ابي احد يوجهني عليها
شلون اقدر اتواصل معاك اذا مافيها ازعاج لك
الطريقة اسهل مما تتصور
فقط اختر القلم + الترجمة من الآيتونز
لايهم ماك او ويندوز
يمكنك مراسلتي بعدة طرق من نموذج راسلني
تحياتي
بسم الله الرحمن الرحيم
السلام عليكم و رحمت الله و بركاتو
شكرا على الفلم الي قدمتوة و اتمنى انكم تجيبون اكثر للمبتدئين
مع السلامة
اخوي ماجاوبت على اسئلتي اقدر احمل التورنت والريل بلاير على الايباد كمان كيف اوصل
الكمبيوتر بالايباد فيه وصله وكيف
لدي سؤال ماهو برنامج الايتونز ولماذا يستخدم وهل هوضروري للايباد
مشكور اخوي ولكن كنت اسئل الايتونز يتحمل على اي كمبيوتر واي برنامج ؟
برأيك هل يغني الاي باد عن الاب توب لان انا لدي كمبيوتر مكتبي ومحتار اشتري بين الاي باد والاب توب لان الكمبيوتر قررت ان ارميه
هل الا ي باد سعت الذاكره فيه كبيره يعني يمكن تحميل افلام كثيره عليه ممكن اقدر اشتري الافلام من الشركه ولا لازم تحمل من كمبيوتر
لو سمحت ماهو برنامج الاي تونز وهل يتحمل على اي كمبيوتر والا لازم كمبيوتر خاص بشركة ابل
طيب الاي باد هل استطيع احمل اي برنامج عليه ؟
الايباد فيه مفضله لما اضع منتديات من النت في المفضله او مواضيع مثل الكمبيوترات
برنامج الايتونز يمكن تحميله من ابل وهو مجاني
الايباد نفس الايفون بس اكبر وله برامج خاصة من ابل فقط
نعم يمكن وضع مفضلة للمواقع نفس الكمبيوتر
تحياتي
هل استطيع ان احمل افلام من الايباد ومع الترجمه او بدون
من نفس الايباد بدون الابتوب
وهل اذا كنت استطيع هل هي ببلاش free
ام تشترى
وشكرااا
اخوي انا اى الان مااشتريت الاي باد ولكن في الطريق يعني الافلام ماتتحمل على الايباد مباشرة من النت انقهرت لما عرفت ان مايتحمل الافلام عليه بدون الكمبيوتر
بعدين اقدر احمل برنامج التورنت على الايباد
انا الكمبيوتر حقي ويندوز اكس بي شنو اسوي
وكمان ماعندي صيغة MP4 وMOV احملها يعني طيب كيف اوصل الاي باد بالكمبيوتر في وصله يعني والا كيف
وايضا ماعندي برنامج الاي تونز بليز ماني عارفه اشتري والالا محتاره
اخوي انا محول الفلم صيغة mb4 وابي نزلة على الايباد بترجمة
مع العلم اللاب تبعي ماك بروو
السسلام عليكم ..~
كفيت ووفيت الله يبيض وجهك يالغالي ..~
بس أنا نظام جهازي ويندوز 7 !!
ما أدري إيشش أسسوي بالضبط !!
هل أحمل برنامج يحول الصيغ !!
والترجمه مو مدموجه بالفلم يعني بملف مفكره بلحالها وش أسوي !!
أنتظر ردك الله لا يهينك ..
وعليكم السلام
توفرت الآن برامج سهلة جدا ودون الحاجة لتحويل الفلم بالكامل مثل ما شفت بالموضوع هذا !!
ادخل الى الأب ستور وتجد برامج مثل :
– VLC
– CineXPlayer وشاهد الشرح هنا
– Opleayer
وغيرها الكثير ( مجاني ومدفوع ) أنت لك الحرية
تحياتي
بارك الله فيك
تقريبا نفس الي استخدمهم
الله يرحم والديك ويرضى عليك
يعطيك العافيه اخوي
شرح وافي ماشاء الله وجربت الطريقه ناجحه والحمد لله
عندي سؤال صغير ؟ الحين الترجمه عرفت من سؤال الاخوان من وين ننزلها
ابي الافلام من اي موقع افضل شي انزل منها الافلام؟ بجوده ممتازه ؟
وشكرا لك
الله يعافيك ..
والله المواقع كثيرة جدا ، بس بالنسبة لي انا شخصيا افضل التورنت
واستخدم هذي المواقع :
thepiratebay.org
و
speed.cd
و
demonoid.com
وهذي مواقع ( تورنت ) فقط وليست روابط مباشرة مثل رابدشير إلخ إلخ
تحياتي
يدك العافيه اخوي:
طيب انا صراحه مافهمت مع انه شرحك ممتاز وجميل ماشاءالله
انا عندي نظام الويندوز فيستا !
وحملت الفلم الي اباه بس نفس الفلم حملته مترجم
يعني انا الحين احمل الترجمه لحالها ؟! ولا كيف
وفي شي بعد مافهمته :
انت لما قلت تحطوا الترجمة والفلم في مجلد .. تقصد اني اسوي مجلد جديد واحطهم فيه ؟
والكويك تايم العاشر مالقيته ممكن تحط رابط لموقع اقدر احمل منه الكويك تايم العاشر 🙂
ولو حملت الكويك تايم العاشر ايش اسوي بعد كذا ؟!
واتمنى تجاوبني لاني والله يعلم قد اش محتاجة لذا الشي
ولك مني جزيل الشكر
الله يعافيك
انا ذكرت ملاحظة في الموضوع ان الطريقة هذي لنظام الماك !!
عموما لنظام الفستا لديك ، الأفضل استخدام هذي الطريقة :
http://box5440.temp.domains/~wawcc/4047.html
تحياتي
السلام عليكم اخوي اول شي احب اشكرك عالشرح والتوضيح صراحة كفيت ووفيت
ويعطيك الف عافية المهم :
انا صراحه جدا ما افهم في البرامج و ايت برنامج احسن وانفع يعني مرا مييح !!
المهم انا لابتوبي عملتلو فورمات ومافي برامج غير الايتونز ولمن حملتو جا معاه الكويك تايم
حتى انو الافلام ماتشتغل عندي وصراحة ما اعرف ايش احسن برنامج عشان اشغل فيه افلامي !!
فلو سمحت بخصووص انو ماعندي برامج غير الايتونر والكويك تايم ابيك تقلي اش البرامج اللازمة عشان اشغل افلامي و البرامج الي تساعدني على إدخال هذه الافلام لجهاز ال iPad
وأشكرك
السلام عليكم ..
أخي الكريم أتمنى انك تتواصل معي عبر الايميل ضرورررري..
[email protected]
والله يعطيك العافية ويوفقك ….
أنا عندي آيفون 3gs واشتريت أيباد
وأبغى أنسخ البرامج اللي شاريها على الأيفون إلى الأيباد بدل ما أشتريها مرة تانية
أرجو توضيح إذا كان هناك طريقة
وهل يمكننا نقل البرامج اللي شاريناها على الأيفون إلى الأيباد
وأشكرك
اولا مبروك الجهاز الجديد
ثانيا : نعم بكل سهولة اشبك الجهاز بالكمبيونر وشغل برنامج الايتونز وبعد تفعيل الايباد سيظهر لك خيار استرجاع باك اب من الايتونز ( وافق ) وسيقوم بنقل جميع البرامج وكل شي تماما كما في الايفون ويضعه لك في الايباد
تحياتي
السلام عليكم ..
طريقة مختصرة جدا تغني عن البرامج ..
شكرا لك ، طحت على مدونتك بالصدفة
وتم الاضافة لمفضلة للمتابعة اول باول ان شاء الله ..
يعطيك العافية
تم نقل الفيلم بنجاح. لكن لم يتم دمج الترجمة معه وعرضها على الآيباد بالرغم من أن ملف الترجمة موجود في نفس المجلد بالجهاز ويحمل نفس اسم ملف الفيلم
الله يعافيك استاذ محمد الفارس وشرف لي مرورك الكريم،،
تأكدت انك محول لغة الترجمة الى UTF-8 لتعمل مع اجهزة الماك كما تعلم ، لان الترجمة الي يتم تحميلها من النت معروف انها تكون بلغة ويندوز
هذا الإحتمال الحالي ، لاني لم اواجه اي مشكلة كما شاهدت في مقطع الشرح وايضا لأفلام اخرى كثيرة
شيء آخر انك تتأكد من ان يكون امتداد ملف الترجمة srt
انا قاعد ( افتي ) لك لأنك تعرف كيف تتعامل مع الوضع كما اعرف ، وماني عارف ليش حصل هذا الشيء معاك استاذي الفاضل
طيب كيف اسوي مشاركه مع الايتونز , الكويك تايم حقي اخر اصدار ,
بليز احد يشرح لي , ما ظبط
انا جهازي ويندوز 7.. ايش افضل برنامج تحويل الى الصيغ الي قلتلنا عليها لوسمحت؟
وشكرا لكـ ,,
يوجد العديد العديد من البرامج اخي
المهم ان تحول الصيغة الى :
MP4 او MOV
وهي الصيغ الي يشغلها اي جهاز من ابل
تحياتي
الف شكر اخوي
طيب سؤال ثاني تنصحني اشتري ايباد 3g ولا وايفاي فقط
و مشكور والله لا يحرمنا من جديدك
ماقدر انصحك انت الي تحدد !! الاصلح لك
تحياتي
لو سمحت اخوي ابي اسالك سؤال ؟؟؟
ما له دخل السؤال في الموضوع !!!
هل الجلبريك مفيد للايباد ؟؟؟
وش فائدة ؟؟؟
الفائدة انك توفر مصدر آخر للبرامج غير مصدر ابل ستور ( مجانا ) لكل البرامج المدفوعة ، وايضا تفعيل بعض المميزات المغلقة من ابل مثل البلوتوث وغيرها
تحياتي
اذا فتحت الكويك تايم مايطلع عندي في الخيارات share كيف اخليه يطلع؟؟
هذا في الكويك تايم الاصدار العاشر لنظام سنوليوبرد
السلام عليكم
اخووي هورنت يعطيك العافيه و الله يكثر من امثالك بس انا حصلت معاك مشكله ما عرفت احلى و انشالله تساعدني فيها انه انا عندي ويندوز فيستا و انت تقول لازم احوول صيغه الملف الى ام بي فور و حولته مع الترجمه بس لما جيت نزلته على الايفون طلعت الترجمه عندي عباره عن خطوط فقط ( ــــ ) نفس الي بين الاقواس و انشالله تساعدين بأسرع وقت و مشكووور و يعطيك العافيه .
فيصل المطيري
مساء الخير ، لو سمحت انا سويت ابديت للماك والحين شغال علي سنوليبرد وعندي الكويك تايم ١٠ بس في مشكلة ان الترجمه العربيه ما تطلع ، تطلع ترجمة غريبه ،، ياريت اذا عندك فكره تفيدني ،، شكرا
مساء النور
نعم الحل جدا بسيط وهو الآتي :
– افتح برنامج TextEdit
– اختر من الشريط العلوي File ثم Open
– إختر ملف الترجمة
– قبل ان تفتح اختر من اسفل النافذة Arabic windows
– الآن ستظهر معك الترجمة العربية ( لا تعمل شيء ) !! 🙂
– اختر من الشريط العلوي File ثم Save As
– إختر من اسفل النافذة الترميز Unicode UTF-8
– بس صارت الترجمة متوافقة مع الماك ، ولا تنسى تغير الإمتداد الى srt بدل txt للملف الي تم حفظه ( وافق على الإستبدال ) عند تغير الإمتداد
تحياتي
صحيح أخوي انا حولت الفلم لصيغه ام بي فور لكن ماندمجت الترجمه معاه مشكلتي بالترجمه 🙁
كيف أقدر أنقله بالترجمه
ماضبط معاي عندك طريقة أقدر أنقل فيها الفلم مع الترجمه للايباد ويكون صفاوته كويسة ؟
والله يوفقك يارب
تم تحديث الموضوع في الأعلى ووضع ملاحظة !!
اتمنى لكي التوفيق
الله يعطيك العافيه أخوي وماقصرت كفيت و وفيت بالشرح الرائع والراقي الله يكثر من امثالك
اخوي عندي مشكله بالأيفون ثري جي سويت له ابديت وقفل الشبكه وحاولت بشتى الطرقه ومافتح معاي
وأتمنى أنك تراسلني على الأيميل أخوي هورنت
تم الرد على ايميلك اخوي
لكن لو كانت الصيغة mkv بدقة 1080p اعتقد راح تتعذب لنقلها إلى الآيفون أو الأيباد!
الاستفسار الثاني ان اللي شغلت فيه الفلم اي برنامج ،، شكله مو كويك تايم .
تم الرد اعلى وهو كويك تايم ١٠
يعطيك العافيه اخوي ،، ومشكور عالمجهود الطيب ،، بس انا عندي استفسارين : الاول ،، انا عندي الكويك تايم برو فيرجن 7.6.6 لما اسوي شير ما يطلع لي الا اني اختار الحجم فقط ،، يعني مافي اختيارات اخرى ،، شنو الحل لو سمحت.
الله يعافيك
البرنامج المستخدم من قبلي هو كويك تايم 10 الخاص بالسنوليوبرد
نعم اختر الحجم الخاص بالجهاز المطلوب مثلا الايفون او الايباد وهكذا
ان ماعرفت الطريقة انصحك تحمل برنامج تحويل الصيغ ويوجد الكثير منها في النت
تحياتي
شرح وافي .. بارك الله فيك
وفيك ، اشكرك
يعطيك العافيه عل شرح الطيب والله
بس بقيت اعرف اي موقع تنزل منه الترجمه ؟
تسلملي اخوي
انا احمل الترجمة من هذا الموقع subscene.com
تحياتي
ماشاءالله عليك يابوناصر احنا من دونك مو عارفين شنسوي
هاب ريح ( ^ ـ ^ )
تقبل التحايا ……..
لا شدعوة فيك الخير والبركة ان شاء الله
لحظة انت قلت كلمة وتبين لي منها انك تعرفني عدل ، عرف عن نفسك 🙂
حياك الله
مبدع دائما شرح ولا احلى
اشلون الفلم يستاهل اني انزله ولا لا
تسلم ابو حمود
والله ماشفت الفلم لكن شكله مو شي
تحياتي
الله واكبر عليك يابو ناصر الف شكر على كل الي قاعد تسوية ربي يخليك
شكرا لك اخوي محمد
وان شاء الفائدة هي مطلبي
تحياتي
ماشاءالله عليك اخوي
شرحك جميل و واضح
و هذي اول مرة أشوف فيها مدونتك
و عجبتني الصراحة
و الى الامام و بالتوفيق
حياك الله اخي العزيز ، وان شاء الله بتشوف دائما الي يرضيك
شرح أكثر من رائع
يعطيك العافيه
الله يعافيك يا ابو فلان ، الساعة المباركة الي اشوفك فيها دائما ياخوي