جهازي الجديد الآيفون iPhone 4

ولله الحمد اشتريت الآيفون الجديد بعد ان تم تداول سعره بشكل مناسب نوعا ما في الكويت وتوفر بكميات طيبة  ومازالت الأسعار في نزول ، اخذت iphone 4 بسعة 32GB وأحببت ان ابلغكم لا أكثر

سعر الشراء 339 دينار كويتي من شركة الكتروزان وطبعا مفتوح رسمي ،  واعطوني كفالة سنة ، فضلت ان اخذ 32 GB نظرا لتصوير الفيديو HD واعتقد انه سيأخذ مساحة كبيرة من الهاتف عند التصوير ، إنطباعي عن الجهاز لحد الآن ممتاز جدا جدا وفرق كبير عن 3GS من ناحية السرعة ووضوح الشاشة ، طبعا التصوير بنوعيه الفيديو والفوتوغرافي شيء قوي جدا ، وهذا فيديو سريع جدا لعملية فتح العلبة UNBOXING My iPhone 4

‫31 تعليقات

  1. سلام عليكم
    الله يعطيك العافيه علي مدونة الرائعه
    لا تحرمنا من جديدك
    وكل شي مفيد

    ( متابع لمدونتك )

  2. مبروك الجهاز وصراحه سعره زين واهم شي الكفاله بس عندي استفسار الشريحه المايكرو سيم شنو سويت لها اخذت وحده ولا قصيت شريحتك لان ودي اخذ بس موضوع الشريحه وبل الاخص الارقام الي بالشريحه القديمه شنو سويت عليها لو توضح لنا ومشكور مقدما

    1. الله يبارك فيك
      اخذت الشريحة من الشركة ، والارقام في اكثر من طريقة لنقلها للايفون وفي شروحات كثير بالنت
      اشكرك

  3. الف مبروك ان شاءالله

    وتكسره بالعافية 🙂

    اعتقد ان الاسعار باذن الله سوف تنزل اكثر فأكثر لتضارب التجار فيما بينهم , بالاضافة الى استيعاب الشباب امكانية طلب الجهاز من النت بجودة عالية من بريطانيا او استراليا وباسعار اقل مما هو معروض بالوقت الحالي , مما دفع الشركات والمحلات للتنافس فيما بينهم وهذا من صالحنا كمستهلكين للسلعة.

    اتمني اذا كانت هناك برامج مفيدة بالابل ستور انك تعرضها لنا وتعرفنا عليها.

    مع تحياتي وتقديري
    اخوك ابوعبدالمحسن العدواني

  4. مبروك على الجهاز يا خوي وعندي سؤال ما ادري اذا هل المشكله مرت عليك ولا لأ
    انا بالاول كان عندي 3GS وبعدين شريت ال iphone 4 كنت افتح اليوتوب ومافي اي مشكله بس بال 4 بعض المشاهد يقولي ” this movie format is not supported ”
    عندك اي فكره عن هل الشغله او عندك حلها ,,,
    تحياتي

    1. الله يبارك فيك اخوي رائد
      نعم هذي الرسالة تظهر مرات في بعض المقاطع ، لسبب أو لآخر !! العلم عند الله بس اعتقد ان الأمر يعود لعدم تعرف السيرفر لعرض المقطع بصيغة خاصة للآيفون بطريقة html 5
      وعند الخروج والدخول مرة ثانية على نفس المقطع يقوم بعرضه بشكل جيد ، إذا المشكلة من اليوتيوب وليس من الآيفون

  5. ماشاء الله علی البركه الجهاز
    والله يطعمك من خيره ويكفيك شره ان شاء الله

  6. الف مبروك اخوي بس عندي استفسار ليش مو طالب الجهاز يعني من النت؟؟

    1. كنت بطلبه بس يتاخر حيل اكثر من شهر وهذا بالديرة شوف العين وكفالة ! صج اغلى من برا بس مشترى المستعجل تبي زود بيزات
      والله يبارك فيك

  7. ماشاء الله تبارك الله..
    علي البركة الجهاز و تكسره بالعافية
    بس حبيت اسألك سؤال من اي دولة شريته و كم كلفك و ممكن تساعدنا و متى ينزل الابيض و هل فيه مشكلة الشبكة ؟

    1. من الكويت
      الابيض ينزل اخر السنة او بداية السنة الجديدة
      ماقدر اعطيك انطباعي الا لما اجربه عدل بس الي اشوفه انه ممتاز للحين السيرفس

  8. ما شاء الله ..

    على البركة .. الله يعطيك خيره ..

    بس الميوزك مع القطع روووعة ..

    معطته ايحاء جميل 🙂

    جنها شغل شارلي شارلون 🙂

  9. عسى الله يبارك لك فيه وتتهنى فيه انشالله

    اخوي جم سعر ال16 قيقا عند الكتروزان ؟

    قواك الله

  10. على البركه الجهاز يابو ناصر

    جهاز احسه صج يصلحلك وراح يخليك ماتنزله من ايدك

    ياليت تكتب تدوينه عن سالفة زين الفاشله والكرت

  11. الله يسلمه ويسلمك من عيون الحساد يارب

    تقطعة بالعافية وانا بعد انتظر ايفوني يجي

    تحياتي