أحلى فطور ( ريوق ) على الإطلاق من المطاعم الهندية

مرات تحتاج أنك تغير من روتين الفطور أو بالكويتي ( الريوق ) الي متوفر بالبيت مثل الكورن فليكس أو قيمر والعسل أو حتى البيض الي يعتبر من أولويات الريوق في أي بيت في العالم ، نعم أنا أطلب بيض في المطاعم الهندية اللي تعطيك جو ثاني ونكهة الأكل عندهم غير مثل الصورة الي تشوفونها حتى طعم البيض عندهم غير !

كثير منا لما يروح للمطاعم الهندية خصوصا وقت الفجر وهو في حالة جوع شديدة يعرف ما اقوله في هذا الموضوع هاهاي !! البديهي وبدون شك راح يتم طلب بيض عيون + قيمة + جباتي + شاي حليب ( كرك ) وطبعا كل شيء ينزل على الطاولة يكون حار حده مثل ما يقولون من الفرن الى مائدتك !! وعيش الجو

يم يم ،،، اكتب هذي التدوينة في الليل وانا على مشارف النوم  و ( مبيت النية ) للريوق في مطعم هندي بكرة إن شاء الله ، ماذا عنك انت ؟ هل جربت هذي المغامرة اللذيذة ، بدون شك البنات اعتقد انهم مايعرفون شنو اقصد لأنهم يطلبون او يتم جلب الطلب للبيت وبالتالي تروح لذة المغامرة ….

الوسوم

‫24 تعليقات

  2. الله لذيييييذ لووول <<<مجربهعليكم بالعاافيه خخخ يبيله تجربوووووناذكر بالبر طلبنا و افطرنا كااان فطوور ولا احلاآ

  3. واي استغفرالله الله يزيد النعمه 😀

    المطعم الهندي حدي اشتري منه جباتي و سمبوسه و شنكارا :p
    و طبعا اخذهم وياي ماقعد :p

  5. والله يابوناصر هذا حال أغلبنا
    المطعم الهندي هو القاعده الي تكسر كل القواعد والأكل الروتيني
    أغلب الأكلات الهنديه يُصعب تطبيقها بالبيت لازم أيادي خبيرة

    مشكور يبو ناصر

  7. أنا احب ( الـمـخـلـمـه )! تعرفونها ولا لأ؟ قبل كنت اكلها
    هي بيض وطمام وشوي ثوم وبصل! مطحونين حيييل!

    انا لو تعزمني على هالمطعم الهندي فماراح اكل!

    انا اكل شوفان كويكر وكورن فلكس اسمر وتوست اسمر اما البيض فأكل 3 بيضات بلاسبوع تقريباً

    انا اتابع الكرسترول اول بأول والبيض والقيمه ملك الكرسترول!
    اخر مره قست الكرسترول كان امس بالمختبر الالماني بالجابريه وسجلت 4.11 والمستوى الطبيعي للكيرسترول هو من 3 الى 5.2

    1. هلا بوحمد ، وياريت لو شارح مكونات الأكلة الي قلت اسمها الغريب !!
      والله يبعدنا وياك ومن يقرأ هالرد الامراض وارتفاع الكولسترول ، اللهم آمين

  9. يعطيك العافية،
    أنا جربت هذا الأكلات الهندية و البنغالية و الباكستانية. مع أن أنا مو عربي. صراحة اكلتهم طعم.

  10. بالعافيه على قلبك

    اليوم مباراة الهلال السعودي مع الغرافة القطري

    دعواتك

    على فكره وش ميولك الكروية ؟؟؟؟

  11. يبووووي

    أعصررررررررررررررررررررررررررررر ليموون على القيمه

    ريووق عصري أحبه أحبه

    أنصح فيــه و بشده

    مره كل كم شهر

    عندنا مطعم الجمعيه طبعاً الأكل عنده أرووع

    و لا يغني عن أخذ الطلب للبيت في حالة كانت الوالدة تبي

    أفضل وقت بعد الفجر على طوول

    1. لا انت مزاجك صعب 🙂 ماقدر عليك الظاهر
      نحتاج وقت نتحدى بعض !! حدد المطعم انت وانا علي الحساب

  12. بالعافيه يابوناصر

    واعتبرها أول تدوينة بعيدة عن التقنية جميلة جدا

    البساطة في الحياة من أجمل الأمور التي يفتقدها أصحاب البروستيج المنكوس

    الأكل في هذه المطاعم يراه البعض نقص وهم لايعلمون ان الراحه النفسية لاتأتي الا بأن يعيش الإنسان عالمه البسيط ولايتصنع الكشخه !

    أنا واحد ما أحب الكيمة ولا اواطنها بس احب بيض طماط وشكشوكة وجبده 🙂

    1. تقدر تقول جذي 🙂
      الناس اذواق في الأكل ،، والريوق تخصص المطاعم الهندية بنظري
      حبيب بو فلان

    1. القيمة = لحم مفروم مثل ماتشوف بالصورة اخوي ، اقولك لابد تجرب المغامرة علشان تعرف شنو الموضوع هههه